மாணவர் முரசு
இ-பேப்பர்
'இரவின் நிழல்' திரைப்படம் இந்திய, ஆசிய சாதனைப் புத்தகங்களில் இடம்பெற்றிருப்பது மகிழ்ச்சி அளிப்பதாக அதன் இயக்குநர் பார்த்திபன் தெரிவித்துள்ளார்.
இது ஒரே 'ஷாட்'டில் எடுக்கப்பட்ட படம் என்ற சிறப்புக்குரியது.
இதற்கு முன்னதாக, பார்த்திபன் இயக்கிய 'ஒத்த செருப்பு' திரைப்படமும் ஆசிய சாதனைப் புத்தகத்தில் இடம்பெற்றது. அதில், தாமே கதை, திரைக்கதை எழுதி, இயக்கி, தயாரித்து, நடிக்கவும் செய்திருந்தார்.
இந்நிலையில், ஏ.ஆர்.ரஹ்மான் இசையில் உருவாகி வந்த 'இரவின் நிழல்' படத்தை 'கான்' திரைப்பட விழாவில் திரையிடுவதற்கான முயற்சிகளை மேற்கொண்டுள்ளார் பார்த்திபன்.
ஐம்பது வயதான ஓர் ஆடவர், தனது கடந்த கால வாழ்க்கையின் பல்வேறு தருணங்களையும் சம்பவங்களையும் நினைத்துப் பார்ப்பதுதான் 'இரவின் நிழல்' படத்தின் கதையாம்.
இதில், அவருடன் வரலட்சுமி சரத்குமார், அனந்த கிருஷ்ணன், பிரிகிடா சகா ஆகியோர் நடித்துள்ளனர்.