அருண்: இது எதிர்பாராத பரிசு

"என் மகன் திரைப்­ப­டத்­தில் நடித்­துள்­ளான் என்­ப­தை­விட, அவ­னது தாத்­தா­வு­டன் நடித்­த­து­தான் பெரிய பாக்­கி­ய­மா­கக் கரு­து­கி­றேன்," என்­கி­றார் அருண் விஜய்.

'ஓ மை டாக்' படத்­தில் அருண், அவ­ரது மகன் அர்­னவ், தந்தை விஜ­ய­கு­மார் ஆகிய மூவ­ரும் இணைந்து நடித்­துள்­ள­னர். மூன்று தலை­மு­றை­யி­ன­ரை­யும் இணைக்­கும் கதைக்­க­ளம் கிடைத்­தது பெரிய அதிர்ஷ்­டம் என்­றும் எதிர்பாராத பரிசு என்றும் சொல்­கி­றார்.

அர்­னவ்­வுக்கு திரைப்­ப­டத்­தில் நடிக்க வேண்­டும் என்ற ஆர்­வம் எப்­போ­துமே உண்­டாம். ஜெயம் ரவி மகன் நடித்­துள்ள படத்­தைப் பார்த்­த­தும் தானும் நடிக்க வேண்­டும் என்­ப­தில் அர்னவ் உறு­தி­யாக இருந்­த­தா­கச் சொல்­கி­றார்.

"நாங்­கள் திட்­ட­மிட்டு இந்­தப் படத்­தில் நடிக்­க­வில்லை. மேலும், இது தனிப்­பட்ட விருப்­பம் என்­றும் எது­வும் இல்லை. எல்­லாமே எதேச்­சை­யாக நடந்­தது. அர்­ன­வின் நடிப்பு ஆர்­வத்­தைப் புரிந்­து­கொள்ள முடிந்­தது.

"எங்­கள் குடும்­பத்­தில் பெரும்­பா­லா­னோர் திரைத்­து­றை­யில் இருக்­கி­றோம். அத­னால் அர்­னவ்­வுக்­கும் இயல்­பா­கவே அந்­தத் துறை­யில் ஆர்­வம் ஏற்­பட்­டுள்­ளது. இதில் ஆச்­ச­ரி­யப்­பட ஏது­மில்லை," என்­கி­றார் அருண் விஜய்.

தமது படப்­பி­டிப்­பு­க­ளுக்கு மக­னை­யும் அழைத்­துச் செல்­வது இவ­ரது வழக்­க­மாக உள்­ளது. தந்­தை­யின் சண்­டைக்­காட்­சி­களை அர்­னவ் விரும்­பிப் பார்ப்­ப­தும் வழக்­கம். இவை எல்­லாம் தன் மகன் மன­தில் நடிப்­பின் மீதான ஆசையை அதி­க­ரித்­தி­ருக்­கும் என நம்­பு­வ­தா­கச் சொல்­கி­றார் அருண்.

"நானும் என் மக­னும் மணிக்­க­ணக்­கில் சினிமா குறித்­துப் பேசு­வோம். பள்­ளிக்கு விடு­முறை என்­றால் அர்­னவ்வை தொலைக்­காட்­சிக்கு முன்­பு­தான் பார்க்க முடி­யும். விடிய விடிய தனக்­குப் பிடித்­த­மான படங்­க­ளைப் பார்ப்­ப­து­டன், அது­கு­றித்து என்­னு­டன் விவா­திப்­பான்.

"படிப்பை முடித்த பிறகு சினி­மா­வில் உள்ள இந்த ஆர்­வம் நீடித்­தால் நானும் என் மனை­வி­யும் அதற்கு எதி­ராக நிற்க மாட்­டோம். அது அர்­னவ்­வுக்­கும் தெரி­யும்.

தமக்கு திரை­யு­ல­கில் திடீ­ரென ஏற்­பட்ட பெரிய இடை­வெளி குறித்து அருண் விஜய் அதி­கம் பேசு­வ­தில்லை. எனி­னும், அந்த காலக்­கட்­டத்­தில் தம்மை திரை­யு­ல­குக்­காக மேலும் தீவி­ர­மாக தயார்­ப­டுத்­திக்­கொள்ள முடிந்­தது என்­கி­றார்.

"எந்­த­வொரு விஷ­யத்­தை­யும் சாதிக்க வேண்­டும் என்று நினைத்­தோ­மா­னால் நம் கவ­னம் முழு­வ­தும் அதன் மீது­தான் குவிந்­தி­ருக்க வேண்­டும்.

"எனக்­கான வாய்ப்­பு­கள் கிடைக்­க­வில்லை என்ற கோப­மும் விரக்­தி­யும் மனதை முழு­மை­யாக ஆக்­கி­ர­மித்­தி­ருந்த நேர­மது. எந்­நே­ர­மும் உடற்­ப­யிற்­சி­யி­லும் ஏதா­வது புதி­தாக கற்­றுக்­கொள்ள வேண்­டும் என்­ப­தற்­கான முயற்­சி­க­ளி­லும் ஈடு­பட்­டி­ருந்­தேன்.

"நிச்­ச­யம் நல்­லது நடக்­கும் என்ற நம்­பிக்கை மட்­டும் மனதை விட்டு அக­ல­வில்லை. எனி­னும் அன்று நான் கற்­றுக்­கொண்ட பல விஷ­யங்­கள் இப்­போது எனக்கு பயன்­ப­டு­கின்­றன.

"எங்­க­ளு­டை­யது சினிமா குடும்­பம் என்­ப­தால் திரை­யு­ல­கில் நுழை­வது மட்­டுமே எளி­தாக இருந்­தது. அதன் பிறகு முழுக்க என் உழைப்­பின் உத­வி­யோ­டு­தான் இன்று உள்ள நிலையை எட்­டிப் பிடித்­தி­ருக்­கி­றேன்.

அதிர்ஷ்­டத்தை நான் பெரி­தாக நம்­பி­ய­தில்லை. எதிர்­மறை கதா­பாத்­தி­ரங்­களில் நடிக்க வேண்­டும் என்று நான் விரும்­ப­வில்லை. ஆனால், அப்­ப­டிப்­பட்ட வாய்ப்­பு­கள் தேடி வந்­த­போது மறுக்­கா­மல் நடித்­தேன்.

"ஹரி இயக்­கத்­தில் நான் நடித்­துள்ள 'யானை' திரைப்­ப­டம் என்னை சினி­மா­வின் அடுத்த கட்­டத்­துக்கு கொண்டு செல்­லும் என நம்­பு­கி­றேன். நான் கிரா­மத்­துக் கதைக்­க­ளத்­தில் நடித்து நீண்ட நாட்­க­ளா­கி­விட்­டது. அது­போன்ற ஒரு கதையை எனக்­காக உரு­வாக்கியுள்­ளார் ஹரி," என்கிறார் அருண் விஜய்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!