மாணவர் முரசு
இ-பேப்பர்
சிவகார்த்திகேயனின் இருபதாவது படத்தின் நாயகியான உக்ரேன் நடிகை மரியா ரபோஷப்கா சில தினங்களுக்கு முன்னர் 'எஸ்கே 20' படக்குழுவுடன் தமது பிறந்தநாளைக் கொண்டாடியுள்ளார்.
படக்குழுவினரின் அன்பு தம்மை நெகிழ வைத்துள்ளதாக அவர் தமது சமூக ஊடகப் பதிவில் குறிப்பிட்டுள்ளார்.
பிறந்தநாள் கொண்டாட்டத்தின்போது எடுக்கப்பட்ட புகைப்படங்களை அவர் பகிர்ந்ததை அடுத்து, சிவகார்த்திகேயனின் ரசிகர்கள் பலரும் அவருக்கு வாழ்த்து தெரிவித்துள்ளனர்.
"இப்படத்தில் என்னுடன் நடிக்கும் சத்யராஜ், பிரேம்ஜி அமரன் என அனைவரும் பிறந்தநாள் வாழ்த்து கூறியது என்னை மேலும் உற்சாகப்படுத்தி உள்ளது. இப்படிப்பட்ட அன்பை நான் எதிர்பார்க்கவே இல்லை," என்கிறாராம் மரியா.
'எஸ்கே 20' முழுநீள நகைச்சுவைப் படமாக உருவாகி வருகிறது. முதன்முறையாக சிவா நடிக்கும் படத்துக்கு இசையமைத்துள்ளார் தமன்.