இன்று களமிறங்கும் நான்கு புதுப்படங்கள்

இன்று நான்கு புதிய படங்­கள் வெளி­யீடு காண்­ப­தால் தமிழ் சினிமா ரசி­கர்­கள் மத்­தி­யில் எதிர்­பார்ப்­பு­கள் அதி­க­ரித்­துள்­ளன.

கொரோனா முடக்க நிலைக்­குப் பிறகு கோடம்­பாக்­கத்­தில் ஏரா­ள­மான படங்­கள் வெளி­யீடு காணத் தயா­ராகி வரு­கின்­றன. அதே சம­யம் பணப் பிரச்­சினை, நடி­கர் நடி­கை­க­ளின் கால்­ஷீட், பெரிய படங்­க­ளு­ட­னான போட்டி உள்­ளிட்ட கார­ணங்­க­ளால் குறைந்த செல­வில் தயா­ரிக்­கப்­பட்­டுள்ள பல படங்­கள் இன்­னும்­கூட முடங்கி உள்­ளன.

நடப்­பாண்­டில், முதல் ஆறு மாதங்­களில் எதிர்­பார்த்­த­தை­விட குறை­வான படங்­களே வெளி­யீடு கண்­டுள்­ளன. நடப்பு ஜூன் மாதத்­தில் கமல்­ஹா­சன் நடித்த 'விக்­ரம்' படம் பெரிய வெற்­றி­யைக் கண்­டுள்­ளது.

ஜூன் 17ஆம் தேதி ஆர்ஜே பாலாஜி நடித்த 'வீட்ல விசே­ஷம்' உள்­ளிட்ட மேலும் சில படங்­கள் வெளி­வந்­தன.

இந்­நி­லை­யில், இம்­மா­தத்­தின் கடைசி வெள்­ளிக்­கி­ழ­மை­யான இன்று விஜய் சேது­பதி நடித்­துள்ள 'மாம­னி­தன்', சுந்­தர் சி, ஜெய் நடித்­துள்ள 'பட்­டாம்­பூச்சி', சிபி­ராஜ் நடித்­துள்ள 'மாயோன்', அசோக் செல்­வன் நடித்­துள்ள 'வேழம்' ஆகிய படங்­கள் திரை­காண்­கின்­றன.

நான்கு படங்­க­ளுமே வெவ்­வேறு கதைக்­க­ளங்­களில் உரு­வாகி உள்­ளன. இவற்­றின் முன்­னோட்­டக் காட்­சித் தொகுப்­பு­க­ளுக்கு நல்ல வர­வேற்பு கிடைத்­தது.

மேலும் 'மாயோன்' படத்­துக்கு வித்­தி­யா­ச­மான முறை­யில் விளம்­பர ஏற்­பா­டு­க­ளைச் செய்­துள்­ளது அதன் தயா­ரிப்­புத் தரப்பு.

இவை தவிர, குறைந்த செல­வில் உரு­வாகி உள்ள மேலும் நான்கு படங்­கள் வெளி­யாக வாய்ப்பு உள்­ள­தா­கக் கூறப்­ப­டு­கிறது.

கலை­ய­ர­சன் நடித்­துள்ள 'டைட்­டா­னிக்', அர­விந்த்­சாமி நடித்­துள்ள 'கள்­ள­பார்ட்' ஆகிய படங்­கள் ஜூன் 24ஆம் தேதி வெளி­யா­கும் என்று முன்பு அறி­விக்­கப்­பட்­டது. ஆனால், அந்த இரண்டு படங்­களும் வெளி­யா­க­வில்லை. இதனால் ரசிகர்கள் ஏமாற்றம் அடைந்துள்ளனர்.

அடுத்த மாதம் அதிக எண்ணிக்கையிலான புதுப்படங்கள் திரைகாண உள்ளதாக கோடம்பாக்க விவரப்புள்ளிகள் கூறுகின்றனர்.

இதற்கிடையே, கமல்ஹாசனின் 'விக்ரம்' திரைப்படம் அடுத்த மாதம் ஓடிடி தளத்தில் வெளியாக உள்ளது.