‘இப்போது மகிழ்ச்சி தேவை’

திரை­யு­ல­கில் தமது பய­ணத்தை ஒரு மாயா­ஜா­லம் என வர்ணிக்­கி­றார் நடிகை சாய் பல்­லவி.

முன்­னணி நடி­கை­யான பிற­கும்­கூட எளி­மை­யாக, நட்­பாக நடந்துகொள்­ப­வர் என்று திரை­யு­ல­கத்­தி­ன­ரும் அதற்கு வெளியே உள்­ள­வர்­களும் சாய் பல்­ல­வி­யைப் புகழ்­கின்­ற­னர். அவ்­வாறு இருப்­பது தம் இயல்பு என்­கி­றார் அவர்.

"என்­னைப் பெரிய நடிகை என்று கூறத் தொடங்கி உள்­ள­னர். ஆனால் பெரும்­பா­லா­ன­வர்­க­ளுக்கு நான் இன்­னும் பழைய சாய் பல்­ல­வி­தான். என் மன­த­ளவில் நான் இன்­னும் மாற­வில்லை.

"ரசி­கர்­க­ளின் அன்பு என்னை நெகிழ வைக்­கிறது. ஆனால் என்­னைப் புகழ்­கி­றார்­கள் என்­ப­தற்­காக எனது இயல்­பு­களை மாற்­றிக்­கொள்­வது சரி­யாக இருக்­காது. என்னைப் பற்றி நானே உயர்­வாக கரு­திக்­கொள்­வ­தில்லை," என்று பக்­கு­வ­மா­கப் பேசும் சாய் பல்­லவி நடிப்­பில், தற்­போது 'கார்கி' படம் வெளி­யாகி உள்­ளது.

கடந்த சில ஆண்­டு­களில் பல்­வேறு சவாலான கதா­பாத்­தி­ரங்­களில் நடித்து முடித்திருப்பவர், இனி மகிழ்ச்­சி­க­ர­மான கதை­யம்­சம் உள்ள படங்­களில் நடிக்க விரும்­பு­வதா­கச் சொல்­கி­றார். தமிழ், தெலுங்கு மொழி­களில் இரண்டு படங்­களில் நடித்­துக்­கொண்டிருக்கி­றார் சாய் பல்­லவி.

"குறிப்­பிட்ட ஒரு கார­ணத்­துக்­காக நான் திரை­யு­ல­கில் அறிமு­க­மா­ன­தா­கக் கரு­து­கி­றேன். அதனால்­தான் எனது திரைப்­பயணத்தை மாயா­ஜா­ல­ங்­கள் நிறைந்­தது என்­கி­றேன்.

"நான் நடிக்க வேண்­டிய சில கதை­கள் காத்­தி­ருப்­ப­தாக உணர்­கி­றேன். அவற்­றில் நான் நடிப்­பேன் என்ற நம்­பிக்கை உள்­ளது.

"ஒரு திரைப்­ப­டம் எந்த அள­வுக்கு எனக்­குத் தேவையோ, அதே­போன்று அந்­தக் கதைக்கு நானும் தேவை என்று நினைக்­கி­றேன். எனக்­கான வாய்ப்­பு­களைத் தேடு­வ­தில்லை. அவை தாமாக அமை­கின்­றன.

"புது வாய்ப்­பு­கள், போட்­டி­கள் குறித்து எல்­லாம் யோசிக்­கத் தொடங்­கி­னால், அதற்­காக வியூகம் அமைந்­தால், அதன் பிறகு நடிப்பு என்ற கலை­யில் முழு மன­து­டன் ஈடு­பட இய­லாது. அதில் கிடைக்கும் மகிழ்ச்­சியை அனு­ப­விக்க முடி­யாது," என்­கி­றார் சாய் பல்­லவி.

ஒரு படத்­தில் நடிக்க ஒப்­புக்­கொள்­ளும்­போது, அதில் தனக்­கான கதா­பாத்­தி­ரம் குறித்து மட்­டுமே யோசிப்­ப­தில்லை என்­றும் படம் பார்ப்­ப­வர்­க­ளால் அந்­தக் கதை­யு­டன் பொருத்­திக்­கொள்­வ­தற்­கான அம்­சங்­கள் உள்­ள­னவா என்று மட்­டுமே தாம் கவ­னிப்­பதா­க­வும் அவர் தெரி­வித்­துள்­ளார்.

கன­மான கதா­பாத்­தி­ரங்­களை ஏற்று நடிக்­கும்­போது, அதன் தாக்­கத்­தில் இருந்து மீள்­வ­தற்கு சில நாள்­கள் ஆகிறது என்று சொல்­லும் சாய் பல்­லவி, தன் மன­துக்­குள் புகுந்­து­விட்ட கதா­பாத்­தி­ரங்­களை தாம் வலிய துரத்தி அடிப்பதில்லை என்­கி­றார்.

"நாள்­க­ளின் போக்­கில் அவை தன்­னால் மறைந்­து­விடு­கின்­றன. இவ்­வாறு முழு அர்ப்­ப­ணிப்­பு­டன் நடிக்­கும்­போது ஏற்­படும் மன­நி­றைவு அலா­தி­யா­னது. அதே­ச­ம­யம் கன­மான கதா­பாத்­தி­ரங்­களை ஏற்று நடிக்­கும்­போது ஒரு­வித மன அழுத்­தத்­துக்கு ஆளா­கி­றேன். அவை ஏற்­ப­டுத்­தும் மனச்­சோர்வை நினைத்­துப் பார்க்கும்­போது, சிறிய இடை­வெளி தேவைப்­ப­டு­வதாக நினைக்கி­றேன்.

"மீண்­டும் ஓரிரு படங்­களில் சரா­சரி நாய­கி­யாக நடிக்க திட்­ட­மிட்­டுள்­ளேன். இதன் மூலம் என்னை மகிழ்ச்­சி­யாகவும் உற்­சா­க­மா­க­வும் வைத்­தி­ருக்க முடி­யும் என்­பதே எனது எதிர்­பார்ப்பு.

"படப்­பி­டிப்­பின்­போது நான் ஜாலி­யாக சிரித்­துப் பேச வேண்டும். அதற்கு உதவி செய்­யும் கதை­களே எனது தேர்­வாக இருக்­கும்," என்று சொல்­லும் சாய் பல்­லவி, ஒரு படத்­தில் நடிக்­கத் தொடங்­கும் முன்பு அதற்­கான கதையை தனது தலை­யில் முழு­மை­யாக ஏற்­றுக் கொள்­வா­ராம்.

அதன் பிறகு தனக்­கான கதா­பாத்­தி­ரத்­தில் எப்­படி நடிப்­பது என்­றும் திட்­ட­மி­டு­வா­ராம். இந்த நடை­மு­றை­தான் தம்மை முன்­னணி நடி­கை­யாக முன்­னேற வைத்­துள்­ளது என்­கி­றார்.

அண்­மை­யில் சில விவ­கா­ரங்­கள் குறித்து சாய் பல்­லவி தெரி­வித்த கருத்து­கள் சர்ச்­சையை ஏற்­ப­டுத்­தின. எனி­னும் இது­போன்ற கார­ணங்­க­ளுக்­காக தம்­மால் வாய்­மூ­டிக்­கி­டக்க இய­லாது என்­கி­றார்.

"எனது கருத்­து­கள் யார் மன­தையேனும் புண்­ப­டுத்தி இருக்­கிறது எனில் அதற்­காக நிச்­ச­யம் மன்­னிப்பு கேட்­பேன். நான் உண்மை என நம்­பக்­கூடிய விஷ­யங்­கள் குறித்து மட்­டுமே பேசு­கி­றேன்.

"எல்­லோ­ருமே முன்­னேற்­றத்தை நோக்­கியே பணி­யாற்­று­கி­றோம். எனது தனிப்­பட்ட கருத்­து­களை வெளிப்­படுத்­தும்­போது, நான் குறிப்­பிட்ட ஒரு தரப்பை ஆத­ரிப்­ப­தாகவோ மக்­களை பிரிப்­ப­தா­கவோ கரு­தக்­கூ­டாது.

"அதே­ச­ம­யம் எனக்­குப் புரி­யாத விஷ­யங்­கள் குறித்து நான் வாய் திறப்­பதே இல்லை," என்று தெளி­வா­க­வும் திட்­ட­வட்­ட­மா­க­வும் பேசு­கி­றார் சாய் பல்­லவி.

"நான் திரை­யு­ல­கில் நடிக்­கத் தொடங்கி ஏழு ஆண்­டு­கள் கடந்து­விட்­டன. நிறைய விஷ­யங்­களைக் கற்­றுக்கொள்­ளும் வாய்ப்பு­கள் அமைந்­தன.

"பல நண்­பர்­கள் கிடைத்­த­னர். என் நடிப்பை நியா­ய­மான முறை­யில் விமர்­சித்­துப் பாராட்­டு­ப­வர்­கள், அறி­வுரை கூறு­ப­வர்­களை நான் பெரி­தும் மதிக்­கி­றேன். இந்­தப் பய­ணம் இதே­போன்ற இனிமை­யு­ட­னும் நல்ல அனு­ப­வங்­க­ளு­ட­னும் நீடிக்க வேண்­டும் என்­பதே எனது ஆசை," என்­கி­றார் சாய் பல்­லவி.

, :

  

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!