மாணவர் முரசு
இ-பேப்பர்
பார்த்திபனின் 'இரவின் நிழல்' படத்தைப் பார்த்த ரஜினிகாந்த், உடனடியாக அவரை நேரில் அழைத்து பாராட்டு தெரிவித்துள்ளார்.
தரமான படைப்புகளை உடனுக்குடன் பாராட்டுவதை வழக்கமாகக் கொண்டுள்ளார் ரஜினி. அந்த வகையில் 'இரவின் நிழல்' படத்தையும் பாராட்டி உள்ளார்.
"இந்தத் திரைப்படத்தை அசாத்திய முயற்சியுடன் ஒரே 'ஷாட்'டில் படமாக்கி அனைவரது பாராட்டுகளையும் பெற்று உலக சாதனை படைத்திருக்கும் நண்பர் பார்த்திபன் அவர்களுக்கும் அவரது படக்குழுவினருக்கும் மதிப்பிற்குரிய ஏ.ஆர்.ரஹ்மான் அவர்களுக்கும் முக்கியமாக படம்பிடித்த ஒளிப்பதிவாளர் ஆர்தர் வில்சன் அவர்களுக்கும் எனது மனமார்ந்த பாராட்டுகளும் வாழ்த்துகளும்," என்று தமது டுவிட்டர் பதிவில் குறிப்பிட்டுள்ளார் ரஜினி.
மேலும், பார்த்திபனுக்கு ரஜினி எழுதிய கடிதம் ஒன்று, இருவரது புகைப்படத்துடன் சமூக ஊடகங்களில் பரவலாகப் பகிரப்பட்டு வருகிறது.