மாணவர் முரசு
இ-பேப்பர்
மாநில அளவிலான துப்பாக்கி சுடும் போட்டியில் நடிகர் அஜித் அணி ஆறு பதக்கங்களை வென்று சாதித்துள்ளது. இவற்றுள் நான்கு தங்கம், இரண்டு வெண்கலப் பதக்கங்கள் அடங்கும்.
பரபரப்பான படப்பிடிப்புக்கு மத்தியில் கார், இருசக்கர வாகனப் போட்டிகளில் பங்கேற்பது அஜித்தின் வழக்கம். கடந்த மூன்று ஆண்டுகளாக துப்பாக்கிச் சுடுதல் போட்டிகளிலும் பங்கேற்று வருகிறார். இதற்காக அவர் முறைப்படி பயிற்சி பெறவும் தவறுவதில்லை.
இந்நிலையில், திருச்சி மாநகர ஆயுதப்படை வளாகத்தில் உள்ள துப்பாக்கிச்சூட்டு மையம் சார்பில் கடந்த ஒருவாரமாக மாநில அளவிலான போட்டிகள் நடத்தப்பட்டன. இதில் அஜித்தும் கலந்து கொண்டார். அவரது அணி சிறப்பாகச் செயல்பட்டு ஆறு பதக்கங்களை வென்றது.
இதன் மூலம் நான்கு தங்கம், இரண்டு வெண்கலப் பதக்கங்களைப் பெற்றுள்ளார் அஜித். கடந்த ஆண்டும் இதேபோல் பதக்கங்களைக் குவித்திருந்தார்.