முத்தையா இயக்கத்தில் கார்த்தி நடிப்பில் வெளியாகி உள்ள 'விருமன்' படம் நல்ல வசூலைப் பெற்று வருகிறது.
தமிழகத்தில் மட்டும் 475 திரையரங்குகளில் இந்தப் படம் வெளியானது. முதல் நாளன்று ரூ.8 கோடி ரூபாய் வசூல் கண்டது 'விருமன்' திரைப்படம்.
விடுமுறை நாளையொட்டி வெளியீடு கண்டதால் இரண்டாம் நாளான சனிக்கிழமையும் அதே எட்டு கோடி ரூபாய் வசூலைப் பெற்றுள்ளது.
வெளியீடு கண்ட நான்கு நாள்களில் இப்படத்தின் வசூல் 30 கோடி ரூபாயைக் கடந்துவிடும் என்று கூறப்படுகிறது.
இந்நிலையில் இது சாத்தியமானால், கார்த்தியின் திரைப்பயணத்தில் அவர் இதுவரை நடித்த படங்களில் முதல் வாரத்திலேயே அதிக வசூல் ஈட்டிய படமாக 'விருமன்' இருக்கும் என்கிறார்கள் விவரம் அறிந்தவர்கள்.

