மாணவர் முரசு
இ-பேப்பர்
அஜித், விஜய் படங்கள் ஒரே சமயத்தில் வெளியாகி நீண்ட காலம் ஆகிவிட்டது.
இருவரும் இணைந்து நடிக்க வேண்டும் என சினிமா ரசிகர்கள் விரும்பினாலும் இன்னொரு பக்கம் இருவரது படமும் நேருக்கு நேர் மோத வேண்டும் என்ற ஆவலும் எதிர்பார்ப்பும் இருவரது ரசிகர்களிடம் உள்ளது.
இந்நிலையில் அடுத்த ஆண்டு பொங்கல் பண்டிகையின்போது ரசிகர்களின் இந்த விருப்பம் நிறைவேற வாய்ப்புள்ளது.
நடிகர் விஜய் தற்போது தெலுங்கு இயக்குநர் வம்சி இயக்கத்தில் 'வாரிசு' படத்தில் நடிக்கிறார். இப்படத்தை 'தில்' ராஜு தயாரிக்கிறார்.
விஜய்க்கு ஜோடியாக நடிக்க ராஷ்மிகா மந்தனா நடிக்கிறார். இப்படம் அடுத்த ஆண்டு பொங்கலுக்கு வெளியாகும் என தொடக்கத்திலேயே அறிவித்துவிட்டனர்.
இதேபோல், 'வலிமை' படத்திற்குப் பிறகு எச்.வினோத் இயக்கத்தில் நடிகர் அஜித் தனது 61வது படத்தில் நடித்து வருகிறார். போனி கபூர் தயாரிக்கும் இப்படத்தின் படப்பிடிப்பு விறுவிறுப்பாக நடைபெற்று வருகிறது. 60 விழுக்காடு படப்பிடிப்பு முடிந்துவிட்டதை அடுத்து, சண்டைக் காட்சிகளைப் படமாக்கி வருகின்றனர்.
இந்நிலையில், அஜித், விஜய் ஆகிய இருவரின் புதுப்படங்களும் நேரடியாக மோதும் சூழல் உருவாகி உள்ளது. அஜித்தின் 61வது படமும் பொங்கலுக்கு வெளியாகும் என்பதால் ரசிகர்கள் மத்தியில் இரு படங்கள் குறித்த எதிர்பார்ப்பும் நாளுக்கு நாள் அதிகரித்து வருகிறது.
இதற்கு முன்பு கடைசியாக கடந்த 2014ஆம் ஆண்டு விஜய்யின் 'ஜில்லா'வும், அஜித்தின் 'வீரம்' படமும் பொங்கல் பண்டிகைக்கு வெளியாகின.