மாணவர் முரசு
இ-பேப்பர்
அஜித் நடிக்கும் 'துணிவு' படத்தின் சுவரொட்டி வெளியாகி உள்ளது. இதை அவரது ரசிகர்கள் இணையத்தில் பரவலாகப் பகிர்ந்து வருகின்றனர்.
நேற்று முன்தினம்தான் அஜித்தின் 61வது படத்துக்கு 'துணிவு' என தலைப்பு அறிவிக்கப்பட்டது. மேலும் கையில் துப்பாக்கியுடன் அவர் காட்சி தரும் முதல் தோற்றச் சுவரொட்டியும் வெளியானது.
ஹெச்.வினோத் இயக்கத்தில் அஜித் நடிக்கும் மூன்றாவது திரைப்படம் இது. இதை போனி கபூர் தயாரித்து வருகிறார்.
இந்த நிலையில் 'துணிவு' படத்தின் சுவரொட்டி வெளியிடப்பட்டுள்ளது. இதுவும் அஜித் ரசிகர்களை உற்சாகமடைய வைத்துள்ளது.
அடுத்தகட்டமாக முக்கிய சண்டைக் காட்சிகளைப் படமாக்க உள்ளது துணிவு படக்குழு.
முன்னணி சண்டைப் பயிற்சியாளர்களான அன்பறிவு இரட்டையர்கள் இந்தச் சண்டைக் காட்சிகளை அமைக்க உள்ளதாகத் தகவல்.
இப்படம் அடுத்த ஆண்டு பொங்கலுக்கு திரை காணும் என எதிபார்க்கப்படுகிறது.
