மாணவர் முரசு
இ-பேப்பர்
'அய்யப்பனும் கோஷியும்' மலையாளப் படத்தில் பாடியதற்காக சிறந்த பின்னணிப் பாடகிக்கான தேசிய விருதை அண்மையில் அதிபர் திரெளபதி முர்முவிடம் இருந்து பெற்ற நஞ்சம்மா (படம்), இப்போது தமிழிலும் பாடுவதற்காக அறிமுகமாகியுள்ளார்.
'ஆதாம்' என்ற மலையாளப் படத்தை இயக்கிய சமர், 'சீன் நம்பர் 62' என்ற படத்தை தமிழில் இயக்க உள்ளார். இப்படத்தில் 'என் சேவல்' என்ற பாடலைப் பாடகர் வேல்முருகனுடன் இணைந்து நஞ்சம்மா பாடியுள்ளார். இப்பாடல் சமூக வலைத்தளங்களில் வெளியாகி ரசிகர்களை ஈர்த்து வருகிறது.
கேரள மாநிலம், அட்டப்பாடி மலைக்கிராமத்தைச் சேர்ந்தவர் நஞ்சம்மா. பழங்குடி இனத்தைச் சேர்ந்த வரான இவர், கிராமியப் பாடல்கள் பாடுவதில் வல்லவர்.
இதையறிந்த கலை உலகினர் கடந்த 2020ல் 'அய்யப்பனும் கோஷியும்' படத்தில் 'களக்காத்த சந்தனமேரம் வெகுவாகப் பூத்திருக்கு' என்ற பாடலைப் பாட நஞ்சம்மாவிற்கு வாய்ப்பளித்தனர். இது பட்டி, தொட்டி எங்கும் ஒலித்ததை அடுத்து, அவ ருக்குத் தேசிய விருது கிடைத்தது.