தீபாவளிக்கு ஒளிரும் திரைப்பட மத்தாப்புகள்

இரண்டு ஆண்­டு­க­ளுக்­குப் பிறகு தீபா­வ­ளிப் பண்­டி­கை­யை­யொட்டி வெளி­யீடு காண உள்ள திரைப்­படங்­க­ளைப் பார்க்­கும் ஆவ­லு­டன் காத்­தி­ருக்­கி­றார்­கள் ரசி­கர்­கள்.

முன்­னணி நடி­கர்­க­ளான விஜய்­யின் 'வாரிசு', அஜித்­தின் 'துணிவு' உள்­ளிட்ட சில படங்­கள் பொங்­கல் பண்­டி­கைக்கு வெளி­யா­கும் என முன்பே அறி­விப்பு வெளி­யாகி உள்ளது.

அடுத்த நிலை­யில் உள்ள இளம், அனு­பவ நடி­கர்­களின் படங்­கள் வெளி­யீடு காண வரிசை­கட்டி நிற்­கின்­றன.

கார்த்தி நடித்­துள்ள 'சர்­தார்', சிவ­கார்த்­தி­கே­யன் நடித்­துள்ள 'பிரின்ஸ்' உள்­ளிட்ட படங்­களை தெலுங்­கி­லும் மொழி­மாற்­றம் செய்து ஆந்­திரா, தெலுங்­கானா மாநி­லங்­களில் வெளி­யிட உள்­ள­னர். பொது­வாக தீபா­வளி என்­றாலே பெரிய நடி­கர்­க­ளின் படங்­களை ரசி­கர்­கள் எதிர்­பார்ப்­பது வழக்­கம். கடந்த காலங்­களில் ரஜினி, கமல்­ஹா­சன், விஜய், அஜித்­கு­மார், சூர்யா உள்­ளிட்­டோ­ரின் படங்­கள் தீபா­வளி பண்­டி­கை­யின்­போது வெளி­யாகி நல்ல வர­வேற்­பைப் பெற்­றுள்­ளன.

அடுத்­த­டுத்த நிலை­களில் உள்ள கதா­நா­ய­கர்­க­ளின் படங்­கள் தீபா­வளிக்கு அடுத்த மாதம்­தான் வெளி­யா­கும். ரசி­கர்­கள் இந்­தப் படங்­களை கொண்­டா­டித் தீர்ப்­பர். ஆனால் இந்த தீபா­வ­ளிக்கு பெரிய நடி­கர்­கள் ஒதுங்­கிக்கொண்­ட­தால் இளம் நாய­கர்­க­ளின் படங்­களைத் திரை­யிட வாய்ப்பு கிடைத்­துள்­ளது.

விஜய், அஜித் படங்­கள் பொங்­க­லுக்கு வெளி­வ­ரு­கின்­றன என்­றால், ரஜி­னி­யின் 'ஜெயி­லர்', கமல்­ஹா­ச­னின் 'இந்­தி­யன் 2' ஆகிய படங்­க­ளின் படப்­பி­டிப்­பு­கள் விறு­வி­றுப்­பாக நடந்து வரு­கின்­றனர்.

இந்­நி­லை­யில் கார்த்தி, சிவ­கார்த்­தி­கே­யன் இரு­வ­ரும் ரசி­கர்­க­ளுக்கு தீபா­வளி விருந்து படைக்க உள்­ள­னர். கார்த்­தி­யைப் பொறுத்­த­வரை அவ­ரது நடிப்­பில், 'விரு­மன்', 'பொன்­னி­யின் செல்­வன்' என்று ஏற்­கெ­னவே இரண்டு படங்­கள் அடுத்­த­டுத்து வெளி­யாகி உள்­ளன. இப்­போது 'சர்­தார்' பட­மும் வெளி­யா­கிறது. இப்­ப­டத்­தில் முதி­ய­வர் போன்று தோற்­ற­ம­ளிக்­கும் ஒரு கதா­பாத்­தி­ரத்தை ஏற்­றுள்­ளார். அத­னால் படம் குறித்த எதிர்­பார்ப்பு அதி­க­ரித்­துள்­ளது.

சிவ­கார்த்­தி­கே­ய­னின் முந்­தைய படங்­க­ளான 'டாக்­டர்', 'டான்' ஆகிய இரு படங்­களும் வெற்­றி­க­ர­மாக ஓடி ரூ.100 கோடிக்கு மேல் வசூல் பார்த்­துள்­ளன. அதே­போல் 'பிரின்ஸ்' பட­மும் அந்­தப் பட்­டி­ய­லில் இணைந்­தால் 'ஹாட்­ரிக்' வெற்றி கிடைக்­கும்.

இந்த இரு படங்­க­ளைத் தவிர மலை­யா­ளம், தெலுங்கு, இந்தி மொழிப் படங்­கள் சில­வும் தீபா­வளி பண்­டி­கை­யின்­போது தமி­ழ­கத்­தில் வெளி­யீடு காண உள்­ளன.

அக்­‌ஷய் குமார் நடிப்­பில் தயா­ராகி உள்ள 'ராம் சேது' இந்­திப் படம் தமி­ழில் மொழி­மாற்­றம் செய்­யப்­பட்­டுள்­ளது. இலங்­கைக்கு கடல் நடுவே கட்­டப்­பட்­டுள்­ள­தாக கூறப்­படும் ராமர் பாலம் பற்­றிய கதை­யம்­சம் கொண்ட பட­மாக இது உரு­வாகி உள்­ளது.

மேலும், அஜய்­தேவ்­கன் நடித்­துள்ள 'தேங்க் காட்', மலை­யா­ளத்­தில் மோகன்­லால் நடித்­துள்ள 'மான்ஸ்­டர்', நிவின் பாலி நடித்­துள்ள 'பட­வட்டு', தமி­ழில் வெளி­யாகி வெற்றி பெற்ற 'ஓ மை கட­வுளே' படத்­தின் தெலுங்கு மறு­ப­திப்­பான 'ஓரி தேவுடா' ஆகிய படங்­களும் தீபா­வ­ளிக்கு வெளி­யாக உள்­ளன.