மாணவர் முரசு
இ-பேப்பர்
'டாக்டர்', 'டான்' போன்ற வசூலில் சாதனை படைத்த படங்களுக்குப் பிறகு சிவகார்த்திகேயன் நடித்திருக்கும் படம் 'பிரின்ஸ்'. தெலுங்கில் 'ஜாதி ரத்னாலு' என்ற வெற்றிப் படத்தை இயக்கிய அனுதீப் இந்தப் படத்தை இயக்கி இருக்கிறார். படம் தமிழ், தெலுங்கு என இரண்டு மொழிகளிலும் தயாரிக்கப்பட்டு நேற்றைய தினம் தீபாவளி சிறப்புப் படமாக உலகெங்கும் வெளியானது.
படத்தின் கதாநாயகியாக உக்ரேன் நாட்டைச் சேர்ந்த மரியா ரியாபோஷ்ப்கா நடித்திருக்கிறார்.
தந்தையாக சத்யராஜ், வில்லன் கதாபாத்திரத்தில் பிரேம்ஜியும் சிறப்புத் தோற்றத்தில் சூரியும்
நடித்துள்ளனர்.
நேற்று அதிகாலை 5 மணிக்கு முதல் காட்சி தொடங்கிய நிலையில் சென்னை கோயம்பேட்டில் உள்ள திரையரங்கில் ரசிகர்களுடன் படம் பார்ப்பதற்காக தனது மனைவி ஆர்த்தியுடன் சிவகார்த்திகேயன் சென்றிருந்தார்.
அவருக்கு ரசிகர்கள் படம் வெற்றியடைய வாழ்த்துக்களைத் தெரிவித்தனர். கொட்டும் மழையில் சிவகார்த்திகேயன் தனது மனைவியுடன் திரையரங்கிற்குச் சென்ற காணொளி இணையத்தளங்களில் பகிரப்பட்டு வருகிறது.
சிவகார்த்திகேயனின் வழக்கமான நகைச்சுவை இந்தப் படத்தில் அதிகம் இருப்பதாகவும் தீபாவளிக்கு குடும்பத்துடன் சென்று பார்க்கும் வகையிலான ஒரு நல்ல படம் என்றும் படம் பார்த்தவர்கள் தெரிவித்துள்ளனர்.