மாணவர் முரசு
இ-பேப்பர்
52 நிமிடங்கள் ஓடும் தமிழ்த் திரைப்
படம் '21 கிராம்ஸ் பிலாசபி' அனைத்துலக அளவில் 24 விருதுகளைப் பெற்றிருக்கிறது.
அறிமுக நடிகராக படத்தில் நடித்திருக்கும் மோகணேஷ் சிறந்த நடிப்பிற்காக பல விருதுகளை வென்றிருக்கிறார்.
இந்த உலகில் எல்லாவற்றையும் விட ஓர் உயிரின் மதிப்பே உயர்ந்தது, மிக முக்கியமானது. ஒருவரின் உயிரை எடுக்கும் உரிமை யாருக்கும் இல்லை. இந்தக் கருத்தை மையமாக வைத்து, ஒரு மாறுபட்ட புது முயற்சியாக இளைஞர்களின் திறமையில் உருவாகியுள்ள திரைப்
படம் '21 கிராம்ஸ் பிலாசபி'.
இயக்குநர் யான் சசி இயக்கத்தில், மோகணேஷுடன் பூ ராமு, ஜோசப் ஆகியோர் முக்கியப் பாத்திரங்களில் நடித்துள்ளனர்.
ஒரு பிரச்சினையில் மகனை, ரௌடி கடத்திவிட அவனைக் காணாமல் தேடுகிறார் தந்தை. தலை மட்டும் வெளியிலிருக்குமாறு மண்ணில் புதைக்கப்பட்ட நிலையில், உயிருக்குப் போராடும் பாத்திரத்தில் மோகணேஷ் நடித்துள்ளார்.
'சூரரைப் போற்று', 'பூ' என பல தமிழ்ப் படங்களில் குணச்சித்திர நடிகராக புகழ்பெற்ற நடிகர் 'பூ' ராமு தந்தையாக நடித்துள்ளார்.
முழுவதும் மதுரையைச் சுற்றி யுள்ள கிராமங்களில் படப்பிடிப்பு நடத்தப்பட்டுள்ளது. கோல்கத்தா அனைத்துலக கல்ட் திரைப்படவிழா, தாகூர் அனைத்துலக திரைப்படவிழா, ரோம், தோக்கியோ, அமெரிக்கன் கோல்டன் பிக்சர்ஸ் திரைப்படவிழா என உலகம் முழுவதும் இதுவரையிலும் 24 விருதுகளை இப்படம் வென்றுள்ளது. உலகம் முழுவதுமுள்ள திரை ரசிகர்கள் கொண்டாடிய இப்படம், விரைவில் தமிழ் மக்கள் பார்வைக்கு வரவுள்ளது.
அறிமுக நடிகர் மோகணேஷ் மிகச்சிறப்பான நடிப்பை வெளிப்படுத்தியுள்ளார். முதல் படத்திலேயே அனைத்துலக திரைவிழாக்களில் 7 சிறந்த நடிகர் விருதை வென்றுள்ளார் என்பது குறிப்பிடத்தக்கது. மேலும் சில திரை விழாக்களில் சிறந்த இயக்குநருக்கான விருதினை யான் சசி வென்றுள்ளார்.