மாணவர் முரசு
இ-பேப்பர்
ஷ்ருதி ஹாசன் தனது சமூக ஊடகப் பக்கத்தில் பகிர்ந்துள்ள சில புகைப்படங்களைப் பார்த்து ரசிகர்கள் அதிர்ந்து போயுள்ளனர்.
அந்தப் படங்களில் அவரது முகம் வீங்கிய நிலையில் காணப்படுகிறது.
"மோசமான சிகையலங்காரம், கடும் காய்ச்சல்.. சைனஸ் பாதிப்பால் வீங்கிப்போன முகம். மாதவிடாய் நாள்கள்... மேலும் சில விஷயங்கள்," என்று பதிவிட்டுள்ளார் ஷ்ருதி.
மேலும், தமது அண்மைய புகைப்படங்களையும் ரசிகர்களால் ரசிக்க முடியும் எனத் தாம் நம்புவ தாகக் குறிப்பிட்டுள்ளார்.
திடீரென தனிப்பட்ட விஷயங்களை வெளிப்படையாகக் குறிப்பிட்டுள்ளதையும் புகைப்படங்களை வெளியிட்டுள்ளதையும் கண்டு ரசிகர்கள் குழப்பத்துக்கு ஆளாகி உள்ளனர்.
ஷ்ருதிக்கு தமிழில் வாய்ப்புகள் இல்லை என்றாலும் தெலுங்கில் பிரபாஸ் ஜோடியாக 'சலார்' படத்தில் நடித்து வருகிறார்.
மேலும் சிரஞ்சீவியுடன் நடித்துள்ள 'வால்டர் வீரய்யா', பாலகிருஷ்ணாவுடன் நடித்துள்ள 'வீர சிம்மா ரெட்டி' படங்கள் அடுத்த ஆண்டு பொங்கல் பண்டிகையின்போது வெளியீடு காண உள்ளன. மேலும், தனி இசைத் தொகுப்பு பணிகளிலும் அவர் தீவிர கவனம் செலுத்தி உள்ளார்.
அண்மைக்காலமாக சமூக ஊடகங்களில் கணிசமான நேரத்தைச் செலவிட்டு வருகிறார் ஷ்ருதி ஹாசன். ரசிகர்களுடன் பல்வேறு விஷயங்களைப் பகிர்ந்து கொள்கிறார்.