மாணவர் முரசு
இ-பேப்பர்
'விக்ரம்' படத்தில் இடம்பெற்ற 'ரோலக்ஸ்' கதாபாத்திரத்தை வைத்து தனிப்படத்தை இயக்கப் போவதாகச் சொல்கிறார் இயக்குநர் லோகேஷ் கனகராஜ்.
இத்தகவல் நடிகர் சூர்யாவின் ரசிகர்களை உற்சாகத்தில் ஆழ்த்தி உள்ளது.
'ரோலக்ஸ்' என்ற எதிர்மறை கதாபாத்திரத்தில் சூர்யாவின் நடிப்பு அபாரமாக இருந்ததாக கமல் உட்பட ஏராளமானோர் பாராட்டு தெரிவித்தனர்.
இத்தனைக்கும் படத்தின் இறுதிப் பகுதியில் சில நிமிடங்கள் மட்டுமே வந்து போவார் சூர்யா. அந்தக் குறுகிய காலத்துக்குள் ரசிகர்களிடம் கைதட்டல் பெறும் வகையில் அவரது நடிப்பு சிறப்பாக இருந்தது.
இந்நிலையில் தமது அண்மைய பேட்டியில் 'ரோலக்ஸ்' கதாபாத்திரத்தை மையமாக வைத்து ஒரு படத்தை இயக்கப் போவதாக லோகேஷ் கூறி உள்ளார்.
இதுகுறித்த அறிவிப்பு விரைவில் வெளியாகக்கூடும்.