மாணவர் முரசு
இ-பேப்பர்
அண்மைக்காலமாக பெண் கதாபாத்திரங்களை மையப்படுத்தும் கதைகளில் நடிக்கும் வாய்ப்புகள் தம்மைத் தேடி வருவதாகச் சொல்கிறார் சுனைனா.
மேலும், ஒரு படத்துக்கான திரைக்கதை பிடிக்கவில்லை எனில் அதில் நடிப்பதை நாசூக்காக தவிர்த்துவிடுவதாக அவர் அண்மைய பேட்டியில் குறிப்பிட்டுள்ளார்.
தமிழ்த் திரையுலகில் அறிமுகமாகி 17 ஆண்டுகளைக் கடந்துவிட்டாலும் இன்னும் கதாநாயகியாக நடித்துக் கொண்டிருக்கும் வெகு சிலரில் சுனைனாவும் ஒருவர். தற்போது, விஷால் ஜோடியாக நடித்துள்ள 'லத்தி' படத்தின் வெளியீட்டுக்காக ஆவலுடன் காத்திருப்பதாகச் சொல்கிறார்.
"நான் உணர்வுபூர்வமான நடிகை. ஒரு படத்தில் நடிக்க ஒப்புக்கொள்ளும் முன் கதை, திரைக் கதையை முமுமையாகக் கேட்டுவிடுவேன். திரைக்கதை நன்றாக இல்லையெனில் அந்த வாய்ப்பை நாசூக்காக தவிர்த்துவிடுவேன்.
"ஒரு கதையில் எனது கதாபாத்திரம் மட்டும் நன்றாக இருந்து பயனில்லை. எல்லா கதாபாத்திரங்களுமே சரியாக அமைக்கப்பட்டிருந்தால்தான் நான் ஏற்கும் கதாபாத்திரமும் பார்வையாளர்களின் மனத்தைத் தைக்கும்.
"இல்லையெனில் படம் வெற்றிபெறாது. எனது கதாபாத்திரமும் பேசப்படாது. இவ்விஷயத்தில் சமரசத்துக்கு இடமே இல்லை," என்கிறார் சுனைனா.
'சில்லுக் கருப்பட்டி' படத்தில் நடித்த பிறகு தமது மதிப்பு உயர்ந்துள்ளதாகக் குறிப்பிடுபவர், தற்போது இயக்குநரின் நடிகை எனத் தாம் நற்பெயரைச் சம்பாதித் துள்ளதாகக் கூறுகிறார்.
"சிறந்த கதாபாத்திரங்கள் என்பன இயக்குநர்களின் சிந்தனையில் பிறப்பவை. கதை எழுதிய பின்பு இந்தக் கதாபாத்தி ரத்துக்கு சுனைனா சரியாக இருப்பார் என்று முடிவு செய்து,
"நம்மை நம்பி வாய்ப்பு கொடுக்கும்போது அதை மிகப்பெரிய அங்கீ காரமாகப் பார்க்கிறேன். முன்பு 'சில்லுக் கருப்பட்டி' அமுதினி பாத்திரத்தை இயக்குநர் ஹலிதா ஷமீம் விவரித்தபோது, நடிக்கத் தயங்கினேன்.
"எனக்கு இன்னும் திருமணம் ஆகவில்லை, ஒரு குழந்தைக்கு தாயாகவில்லை. அப்படிப் பட்ட என்னை மூன்று குழந்தைகளுக்கு தாயாக நடிக்கச் சொல்வது சரியாக இருக்குமா? என்று கேட்டேன். அவரோ, 'நீங்கள் சிறந்த நடிகை. உங்களால் முடியும்' என்று ஊக்கம் அளித்தார். அவரது அந்த வார்த்தைகள்தான் என்னை அமுதினியாக மாற்றின," என்கிறார் சுனைனா.
மற்ற நாயகிகள்போல் சுனைனா சமூக ஊடகங்களில் அதிக நேரத்தைச் செலவிடுவதில்லை. அவற்றின் மூலம் கிடைக்கும் போலியான புகழும் விளம்பரமும் தமக்குத் தேவையில்லை என்கிறார்.
"எனக்குள் நிறைய சக்தி இருக்கிறது. அதை நடிப்பாக இதுவரை நான் வெளிக்காட்டியிருப்பது கொஞ்சம்தான். நடிப்புக்கான எனது சக்தியை நான் சரியான கதா பாத்திரங்களுக்குச் செலவிட வேண்டும் என்று நினைக்கிறேன். தேடி வரும் வாய்ப்புகள் எல்லா வற்றிலும் நடித்து புகழ் வெளிச்சத்திலேயே இருக்க வேண்டும் என்றோ, கிடைத்தவரை லாபம் என்று கருதியோ நான் இந்தத் துறைக்கு வரவில்லை.
"எனவேதான் சமூக ஊடகங்களில் பரபரப் பாக இயங்குவதை நான் விரும்பவில்லை. அதன் மூலம் கிடைக்கும் பெயரும் புகழும் நீடிக்காது. பல படங்களில் நடிக்கக் கிடைத்த வாய்ப்புகளை ஏற்க மறுத்திருக்கிறேன்.
"சினிமாவை மிகவும் நேசிப்பதால்தான் இந்த முடிவு. மற்றபடி ஓடிடி, பெரிய திரை என்றெல் லாம் நான் பிரித்துப் பார்ப்பதில்லை. படப்பிடிப்பு முடிந்தபிறகுதான் இதை ஓடிடிக்கு கொடுக்க லாமா, திரையரங்குகளில் வெளியிடலாமா என்பதை தயாரிப்பாளர்கள் முடிவு செய்கிறார்கள்.
"நான் அதில் தலையிடுவதில்லை. எத்தகைய தளமாக இருந்தாலும், தரம் இருந்தால் வெற்றி நிச்சயம் என்பதே எனது நம்பிக்கை," என்கிறார் சுனைனா.
'லத்தி' படத்தில் காவல்துறையில் பணியாற்றும் காவலரின் மனைவியாக நடித்த அனுபவம் மறக்க முடியாததாக இருந்தது என்று குறிப்பிடுபவர், இது போன்ற வெள்ளந்தி பாத்திரங்களை தாம் மிகவும் நேசிப்பதாகச் சொல்கிறார்.
ஒரே மாதிரியான பாத்திரங்களில் நடிக்க கேட்டால் விருப்பம் இல்லை என்று கறாராக கூறிவிடுகிறாராம்.