மாணவர் முரசு
இ-பேப்பர்
தங்களுக்குப் பிடித்தமான நாயகியை ரசிகர்கள் புகழ்வதில் தவறில்லை என்றும் அதேசமயம் மற்ற முன்னணி நாயகிகளை இழிவுபடுத்தும் வகையில் கருத்துகள் தெரிவிப்பது சரியல்ல என்றும் நடிகை திரிஷா கூறியுள்ளார்.
நயன்தாராவை 'பெண் சூப்பர் ஸ்டார்' என்று அவரது ரசிகர்கள் கொண்டாடி வருகின்றனர். திரிஷாவுக்குத்தான் இந்தப் பட்டத்தை அளித்திருக்க வேண்டும் என ஒரு தரப்பினர் வாதிடுகின்றனர்.
இந்நிலையில், ஊடகப் பேட்டி ஒன்றில் தம்மையும் நயன்தாராவையும் ஒப்பிட்டுப் பேசுவதை நேர்மறையான விஷயமாகவே தாம் பார்ப்பதாகக் குறிப்பிட்டுள்ளார் திரிஷா.
"இரு நடிகைகளில் ஒருவரை இகழ்வதைக் காட்டிலும், இருவரிடமும் உள்ள தனிச் சிறப்புகளைக் கவனித்து ஊக்கமளித்தால் வரவேற்பேன்.
"நானும் நயன்தாராவும் கிட்டத்தட்ட ஒரே சமயத்தில்தான் திரைப் பயணத்தை தொடங்கினோம். பெரும்பாலான முன்னணி நடிகர்களுடன் இருவரும் இணைந்து நடித்துள்ளோம். அதனால்தான் இருவரையும் ஒப்பிட்டுப் பேசுவதாகக் கருதுகிறேன்," என்கிறார் திரிஷா.