மாணவர் முரசு
இ-பேப்பர்
எஸ்.ஜி.சார்லஸ் இயக்கத்தில் ஐஸ்வர்யா ராஜேஷ் (படம்) நடித்துள்ள 'சொப்பன சுந்தரி' படம் விரைவில் வெளியீடு காண உள்ளது.
இந்தப் படத்தில் லட்சுமி பிரியா, சரமவுலி, தீபா சங்கர், கருணாகரன், ரெடின் கிங்ஸ்லி, மைம் கோபி உள்ளிட்ட பலர் நடித்துள்ளனர். அஜ்மல் தாஷீன் இசை அமைத்துள்ளார். விஷால் சந்திரசேகர் பின்னணி இசையமைத்துள்ளார்.
இந்த நிலையில் 'சொப்பன சுந்தரி' திரைப்படம் மார்ச் மாதம் வெளியாக உள்ளது என்றும் அதற்கான ஏற்பாடுகள் நடைபெற்று வருவதாகவும் படக்குழு அறிவித்துள்ளது.
"இது நாயகியை மையமாக வைத்து உருவாகி உள்ள படம். ஐஸ்வர்யா ராஜேஷ்தான் பொருத்தமாக இருப்பார் என்பதால் அவரை நாயகியாக ஒப்பந்தம் செய்தோம். எங்கள் எதிர்பார்ப்புக்கும் மேலாக ஐஸ்வர்யா ராஜேஷ் நடித்துள்ளார். அவரது பாத்திரம் வித்தியாசமான தாக இருக்கும். இப்படம் அனைத்துத் தரப்பினரையும் கவரும்," என்று நம்பிக்கையுடன் சொல்கிறார் சார்லஸ்.