மாணவர் முரசு
இ-பேப்பர்
‘விடுதலை’ படத்தில் கதாநாயகனாக நடிக்கும் சூரிக்கு மொத்தம் ரூ.30 லட்சம்தான் சம்பளமாகப் பேசப்பட்டுள்ளதாம்.
நகைச்சுவை கதாபாத்திரங்களில் நடிக்க கோடிக்கணக்கில் சம்பளம் பெறுகிறார் சூரி. சில சமயங்களில் நாளொன்றுக்கு இவ்வளவு சம்பளம் என்ற ஒப்பந்த அடிப்படையிலும் நடிப்பதாகத் தகவல்.
எனினும் இயக்குநர் வெற்றிமாறன் படத்தில் நடிப்பது பெரும் வாய்ப்பு என்பதால் சம்பளம் குறித்தெல்லாம் அவர் யோசிக்கவில்லை. முப்பது லட்சம் சம்பளம் என்று கூறியதும் மறுப்பேதும் சொல்லாமல் ஒப்புக்கொண்டுள்ளார். அதன் பிறகு ‘விடுதலை’ படம் இரண்டு பாகங்களாக உருவாகும் என வெற்றிமாறன் அறிவித்தபோது, சூரியின் சம்பளமும் இருமடங்காகும் என எதிர்பார்க்கப்பட்டது. ஆனால் இரு பாகங்களுக்கும் சேர்த்து அவருக்கு ரூ.40 லட்சம்தான் ஊதியமாக வழங்கப்பட்டுள்ளதாம்.
இதற்கிடையே, இப்படத்தின் இசை வெளியீட்டு விழா நடந்து முடிந்த பிறகும், நான்கு நாள்கள் படப்பிடிப்பு நடத்தி உள்ளார் வெற்றிமாறன். வேறு படத்துக்கான படப்பிடிப்பில் இருந்து மீண்டும் ‘விடுதலை’ படப்பிடிப்பில் பங்கேற்றுள்ளார் சூரி.
இவ்வளவு சிரமங்கள் இருந்தாலும், ‘விடுதலை’ படத்தில் அவரது நடிப்பு பிரமாதம் என்று படக்குழுவினர் கூறுகின்றனர். இதையடுத்து, அவரை நாயகனாக நடிக்க வைக்க முன்னணி தயாரிப்பாளர்கள் இப்போதே முயற்சி மேற்கொண்டுள்ளதாகக் கூறப்படுகிறது.
