மாணவர் முரசு
இ-பேப்பர்
ஆர்ஜே பாலாஜி நடித்து வரும் புதிய படம் 'சிங்கப்பூர் சலூன்'. இதில் இயக்குநர் லோகேஷ் கனகராஜ் சிறப்புத் தோற்றத்தில் நடித்திருப்பதாக தகவல் வெளியாகி உள்ளது.
கோகுல் இயக்கத்தில் உருவாகும் 'சிங்கப்பூர் சலூன்' படத்தில் ஷிவானி நாராயணன் நாயகியாக நடிக்கிறார்.
இப்படத்தின் இறுதிக்கட்டப் பணிகள் நடந்து வருவதாக அண்மையில் தகவல் வெளியானது.
இதில் இயக்குநர் லோகேஷ் கனகராஜ் சிறப்புத் தோற்றத்தில் நடித்துள்ளதாகக் கூறப்படுகிறது.
சில நிமிடங்கள் மட்டுமே வந்து செல்லும் கதாபாத்திரம் என்றாலும் ரசிகர்களின் கவனத்தை ஈர்க்கும் வகையில் இருக்கும் என்று படக்குழு தெரிவித்துள்ளது.
இதனிடையே, லோகேஷ் மட்டுமல்லாமல், மேலும் இரு பிரபலங்களும் ஓரிரு நிமிடங்கள் மட்டுமே வரும் சிறப்புத் தோற்றத்தில் நடித்திருப்பதாகவும் தகவல் வெளியாகி உள்ளது.
