மாணவர் முரசு
இ-பேப்பர்
சிவகார்த்திகேயன் நடிப்பில் உருவாகியுள்ள 'மாவீரன்', 'அயலான்' ஆகிய திரைப்படங்கள் ஜூலை, அக்டோபர் மாதங்களில் அடுத்தடுத்து வெளியாக உள்ளன.
அடுத்து ராஜ்குமார் பெரியசாமி இயக்கத்தில், கமல் தயாரிக்கும் படத்தில் நடிக்கிறார் சிவா. இதில் முதன்முறையாக ராணுவ வீரர் கதாபாத்திரத்தில் நடிக்கிறாராம். அது மட்டுமல்ல, அவரது தோற்றம் முற்றிலும் மாறுபட்டதாக இருக்கும் என்றும் தகவல். அண்மையில் இந்த வித்தியாசமான தோற்றத்தில் ரசிகை ஒருவருடன் எடுத்துக்கொண்ட புகைப்படம் ஒன்று சமூக ஊடகங்களில் வெளியாகி இருந்தது.
அதில் தனது சிகையலங்காரம் வெளிப்பட்டுவிடக்கூடாது என்பதற்காக தலையில் தொப்பி அணிந்துள்ளார் சிவா. மிக விரைவில் புது சிகையலங்காரத்துடன் வலம் வருவாராம்.