மாணவர் முரசு
இ-பேப்பர்
சூப்பர் ஸ்டார் ரஜினிகாந்த் நடித்து வரும் படம் 'ஜெயிலர்'. இந்தப் படத்தை 'சன் பிக்சர்ஸ்' நிறுவனம் தயாரிக், நெல்சன் இயக்க, அனிருத் இசையமைக்கிறார். இந்தப் படத்தில் ரஜினிக்கு மகளாக இளம் நடிகை மிர்னா மேனன் நடிக்க ஒப்பந்தம் ஆகியிருக்கிறார்.
இந்தப் படத்தில் ஏற்கெனவே ரஜினிகாந்துடன் ரம்யா கிருஷ்ணன், விநாயகன், யோகி பாபு உள்பட ஒரு சிலர் நடித்து வருகின்றனர்.
இந்நிலையில் இந்தப் படத்தில் இளம் நடிகை மிர்னா மேனன் என்பவர் இணைந்து உள்ளதாகவும் இவர் ரஜினிகாந்திற்கு மகளாக நடிக்க இருப்பதாகவும் கூறப்படுகிறது.
'ஜீ5' தொலைக்காட்சியில் ஒளிபரப்பாகி வரும் 'ஆனந்தம்' என்ற தொலைக்காட்சித் தொடரில் இவர் நடித்திருந்தார். அதன் பின்னர் 'சந்தனத்தேவன்' என்ற தமிழ்ப் படத்திலும் 'பிக் பிரதர்' என்ற மலையாள படத்திலும் இவர் நடித்திருந்தார். இவர் நடிப்பில் அண்மையில் வெளியான 'புர்கா' படத்தில் இவரின் நடிப்பைப் பலரும் பாராட்டினர். மேலும் தெலுங்கில் இவர் அல்லரி நரேஷுக்கு ஜோடியாக கதாநாயகியாக நடித்துள்ள 'உக்ரம்' என்ற படமும் விரைவில் வெளியாக இருக்கிறது.
மேலும் இந்தப் படத்தில் நடிக்கும் மற்ற நட்சத்திரங்களின் அறிவிப்பு அடுத்தடுத்து வெளியாகும் என்று எதிர்பார்க்கப்படுகிறது.