தன்னோடு 16 வயதிலேயே ஜோடியாக நடித்த மீனா பற்றி பல சுவாரசியமான தகவல்களை நடிகர் ராஜ்கிரண் கூறி இருக்கிறார். ‘என் ராசாவின் மனசிலே’ திரைப்படத்தில் நடிக்கும்போது ஒரு பாடல் காட்சிக்காக நடிகை மீனா ரோட்டு ஓரத்தில் நின்று உடை மாற்றியதாக அவர் கூறியிருக்கிறார்.
1990களில் ரசிகர்களின் கனவுக் கன்னியாக விளங்கியவர் மீனா.
கஸ்தூரி ராஜாவின் இயக்கத் தில் 1991ல் வெளியான ‘என் ராசாவின் மனசிலே’ படத்தின் மூலம் தமிழ் சினிமாவில் நாயகியாக அறிமுகமானார். அப்போது இவருக்கு 16 வயது தானாம்.
அண்மையில் நிகழ்ச்சி ஒன்றில் கலந்துகொண்ட ராஜ்கிரண் மீனா குறித்த பல விஷயங்களைப் பகிர்ந்துள்ளார். “படத்தில் மட்டும்தான் மீனா என்னைப் பார்த்து பயந்ததாக எல்லாரும் நினைத்தார்கள். ஆனால், நேரிலும் மீனா என்னைப் பார்த்து ரொம்பவே பயந்தார்கள். படப்பிடிப்பு தொடங்கியது முதல் அவர் என்னிடம் பேசவே இல்லை.
அதுபோல் நடிப்பென்று வந்துவிட் டால் அது எந்தச் சூழலாக இருந்தாலும் நடிக்கத் தயாராகி விடுவார். இப்போது மாதிரி முன்பெல்லாம் ‘கேரவன்’ போன்ற வண்டிகள் எல்லாம் கிடையாது. ஒருமுறை பாடல் காட்சிக்காக வேகமாக ஆடை மாற்றவேண்டியது இருந்தது. உடனே மீனா சாலையோரமாக காரை நிறுத்தி அதன் மறைவில் நின்று ஆடையை மாற்றி வந்தார். இப்போது உள்ள நடிகைகளிடம் அதையெல்லாம் எதிர்பார்க்க முடியாது. அந்த அளவுக்கு நடிப்பிற்கு முக்கியத்துவம் கொடுத்த வர் மீனா எனப் பெருமையாகப் பேசியிருக்கிறார் ராஜ்கிரண்.