மாணவர் முரசு
இ-பேப்பர்
மிக எளிமையானவர், கடின உழைப்பாளி என்று நடிகை சுனைனாவை திரையுலகத்தினர் பாராட்டுகிறார்.
அவர் நடிப்பில் உருவாகி உள்ள புதுப்படம் ‘ரெஜினா’ இதன் படப்பிடிப்பு கொடைக்கானல் அருகே உள்ள மலைப்பகுதியில் பல நாள்கள் நடைபெற்றது.
அப்போது படப்பிடிப்புக்குத் தேவைப்படும் பொருள்களை படக்குழுவினரே இயன்ற அளவுக்கு சுமந்து மலைப்பகுதியில் ஏறினராம். கதாநாயகி என்றாலும், எந்தவிதப் பந்தாவும் தயக்கமும் இன்றி சுனைனா சில பொருள்களை சுமந்துள்ளார்.
“அவர் நினைத்திருந்தால் உதவி செய்ய இயலாது என்று கூறியிருக்கலாம். ஆனால் யாரும் கேட்காமலேயே அவர் தாமாக முன்வந்து உதவியது பாராட்டுக்குரியது.
“கட்டுமானத் தொழிலாளிகள் தலையில் சும்மாடு வைத்து பொருள்களை சுமந்து செல்வதுபோல் சென்றார் சுனைனா.
“அதேபோல் தமக்கான காட்சிகளை மெருகேற்றுவதிலும் அவர் கவனமாக இருப்பார். அவரது கடின உழைப்பு மேலும் சில உயரங்களுக்கு அவரை அழைத்துச் செல்லும்,” என்று ‘ரெஜினா’ படக்குழுவினர் பாராட்டுகின்றனர்.
ஆனால் சுனைனாவோ கதாநாயகி என்பதால் மற்ற வேலைகளைச் செய்யக்கூடாது என விதிமுறை ஏதும் இல்லை. என்னால் இயன்றதைச் செய்தேன்.
“இதில் பாராட்டுவதற்கு ஒன்றும் இல்லை,” என்று மிகுந்த அடக்கத்துடன் கூறுகிறார்.
