காஷ்மீர் செல்லும் ‘ஜப்பான்’ படக்குழு

நடிகர் கார்த்தி தனது 25வது படமான ‘ஜப்பான்’ படத்தில் நடித்து வருகிறார்.

‘குக்கூ’, ‘ஜோக்கர்’ போன்ற படங்களை இயக்கிய ராஜூ முருகன் இயக்கும் படம் இது.

அனு இம்மானுவேல், சுனில், விஜய் மில்டன் உள்ளிட்ட பலர் முக்கிய கதாபாத்திரத்தில் நடிக்கின்றனர். ஜி.வி. பிரகாஷ் இசையமைக்கிறார். எதிர்வரும் தீபாவளிப் பண்டிகையின்போது இப்படம் திரைகாண உள்ளது.

இந்நிலையில் ஒரு பாடல் காட்சியை மட்டுமே படமாக்க வேண்டியுள்ளதாம். அதற்காக ‘ஜப்பான்’ படக்குழு காஷ்மீர் செல்கிறது. அங்கு எட்டு நாள்கள் முகாமிட்டுப் படப்பிடிப்பை நடத்த உள்ளனர்.