வில்லன் ரித்து ராஜ் சிங் காலமானார்

‘துணிவு’ படத்தில் வில்லனாக நடித்த ரித்து ராஜ் சிங்கிற்கு மாரடைப்பு ஏற்பட்டு காலமானார்.

‘துணிவு’ படத்தில் சுனில் தாத்தா என்ற வேடத்தில் நடித்திருந்தார் பாலிவுட் நடிகர் ரித்து ராஜ். இவர் அந்தப் படத்தில் ஜான் கொக்கனுடன் இணைந்து வங்கியில் திருடுபவர்களில் ஒருவராக நடித்திருந்தார். அது மட்டுமின்றி அஜித்குமாருக்கும் இவருக்குமிடையே அதிரடியான ஒரு சண்டை காட்சியும் இருந்தது.

மேலும் பாலிவுட்டில் திரைப்படங்கள் மட்டுமின்றி இந்தி இணையத் தொடர்களில் நடித்து வந்த ரித்துராஜ் சிங், கணையம் அலர்ஜி காரணமாக மருத்துவமனையில் சிகிச்சை பெற்று வந்தார். இந்நிலையில் நேற்று திடீரென மாரடைப்பு காரணமாக மரணம் அடைந்துள்ளார். நடிகர் ரித்து ராஜ் சிங்கிற்கு தற்போது 59 வயது ஆகிறது.