அதிகரிக்கும் மறுவெளியீடுகள்: பட்டியலில் இணையும் ‘பையா’

பல ஆண்டுகளுக்கு முன்பு வெளியாகி வெற்றி பெற்ற படங்களை மறுவெளியீடு செய்வதில் கோடம்பாக்கத்தினர் ஆர்வம் காட்டி வருகின்றனர்.

அந்த வகையில் கார்த்தி, தமன்னா நடிப்பில் லிங்குசாமி இயக்கிய ‘பையா’ படமும் விரைவில் திரை காண உள்ளது.

கடந்த 2010ஆம் ஆண்டு வெளியான இப்படம் பெரும் வசூலைக் குவித்து ரசிகர்களால் பாராட்டப்பட்டது.

யுவன் சங்கர் இசையில் உருவான இப்படத்தின் பாடல்கள் தமிழகம் முழுவதும் எதிரொலித்தது. இந்நிலையில் இப்படம் மறுவெளியீடு காண இருப்பதாக வெளியான தகவல் கார்த்தி ரசிகர்களை உற்சாகப்படுத்தி உள்ளது.