அரசதந்திரப் பதவியிலும் ‘மலையாளி’ அடையாளத்தை மறக்காத பால் தோப்பில்

சிங்கப்பூருக்கான கனடியத் தூதர் பால் தோப்பில் கேரளாவில் கழித்த சிறுவயது கோடைக்காலம், திருமணம் செய்துகொண்ட பெண் என அனைத்தின் மூலமாகவும் தமது ‘மலையாளி’ வேர்களுடன் ஆழமான பிணைப்பைக் கொண்டுள்ளார்.

கனடாவில் பிறந்து வளர்ந்தபோதிலும் தமது அடிப்படை அடையாளத்தை அவர் ஒருபோதும் மறந்ததில்லை.

தப்லா! வார இதழுக்கு அண்மையில் பேட்டியளித்த திரு தோப்பில், முருகன் இட்லிக் கடையில் உணவருந்தியவாறே தாம் கடந்து வந்த வெற்றிப் பாதையை நினைவுகூர்ந்தார்.

அவரின் தந்தை திரு ஜேம்ஸ் வர்கீஸ், கேரளத்தின் செங்கன்னூரைச் சேர்ந்தவர். குடிநீர் அல்லது மின்சாரம் இல்லாத ஒரு வீட்டில், மிகவும் எளிமையான சூழ்நிலையில் வளர்ந்தவர் திரு தோப்பில்.

வணிகவியல் படித்த பிறகு, கோல்கத்தாவில் எக்ஸான் நிறுவனத்தில் பணியாற்றி, 1960களின் தொடக்கத்தில் கனடாவிற்கு புலம்பெயர்ந்து, இறுதியில் ஒட்டாவாவில் குடியேறினார்.

பின்னர் பெண் தேடுவதற்காக கேரளம் திரும்பிய அவர், திருவனந்தபுரத்தின் பாளையத்தைச் சேர்ந்த ஓமனாவை மணந்தார்.

கனடாவில் பிறந்த அவர்களின் இரு மகன்களும், குடும்பத்தின் பின்னணியை மறக்க ஒருபோதும் அனுமதிக்கப்படவில்லை.

திரு தோப்பிலின் தாயார் ருசியாக சமைக்கக்கூடியவர். அவரது மீன் குழம்பு, மரவள்ளிக்கிழங்கு சமையல் போன்ற உணவு வகைகளை குடும்பத்தினர் ருசித்து சாப்பிடுவர்.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

தொடங்கியது சிங்கப்பூர் எஃப்1 பந்தயம்; சீறிப் பாய்ந்த கார்கள்

09 Oct 2026 - 9:46 PM

மதுராந்தகம், தாராபுரத்தில் தவெக அபார வெற்றி

09 Oct 2026 - 12:57 PM

சிங்கப்பூர் பூல்ஸ் உட்பட மூன்று நிறுவனங்களுக்கு $275,000 அபராதம்

09 Oct 2026 - 9:21 PM

அரசதந்திரப் பதவியிலும் ‘மலையாளி’ அடையாளத்தை மறக்காத பால் தோப்பில்

10 Oct 2026 - 7:00 AM

கனடாவில் பள்ளி விடுமுறை தொடங்கும் ஒவ்வொரு கோடைக்காலத்திலும் அவரது குடும்பத்தினர் கேரளத்துக்குச் செல்வதை வழக்கமாகக் கொண்டுள்ளனர்.

செங்கன்னூரில் உள்ள தம் தாத்தா, பாட்டியின் கிராமத்து வீட்டில் கிணற்றிலிருந்து நீர் இறைத்ததையும் மரவள்ளிக்கிழங்கு தோட்டத்தில் உதவி செய்ததையும் திரு தோப்பில் நினைவுகூர்கிறார்.

திருவனந்தபுரம் அவருக்கு வேறுபட்ட அனுபவத்தை அளித்தது. அவரின் தாயாரின் நான்கு சகோதரர்கள், அவர்களின் மனைவியர் மற்றும் குழந்தைகள் கனடாவிலிருந்து வரும் உறவினர்களை வரவேற்க ஒன்றுகூடுவார்கள்.

சில சமயங்களில் கேரளத்தின் பிற பகுதிகளிலிருந்தும் பயணம் செய்து வருவார்கள்.

ஒரு புலம்பெயர்ந்த குடும்பத்திற்கு அந்தப் பயணங்கள் செலவுமிக்கவையாக இருந்தன.

ஆனால், அந்த உறவுகளைப் பேணிக் காப்பதற்காகத் தங்களது சேமிப்பைச் செலவிடத் தாய் தந்தை எடுத்த முடிவை, திரு தோப்பில் இப்போது தமது வாழ்க்கையின் மிக முக்கியமான தாக்கங்களில் ஒன்றாகக் கருதுகிறார்.

திரு தோப்பில் சிறுவனாக இருந்தபோது சனிக்கிழமை மலையாள வகுப்புகளுக்குச் சென்றார். இருப்பினும், சில மலையாள உச்சரிப்புகளைக் கற்றுக்கொள்வது அவரது வடஅமெரிக்க நாக்கிற்கு சற்றே கடினமாக இருந்தது.

அவரின் தந்தை திரு வர்கீஸ், ரோட்டரி அமைப்பு மற்றும் ஒட்டாவாவில் உள்ள ஒரு ரோமன் கத்தோலிக்க தேவாலயத்துடன் இணைந்து செங்கன்னூரில் கனடா-இந்தியா கிராமத் திட்டத்தை உருவாக்க உதவினார்.

நிலம் கையகப்படுத்தப்பட்டு, பின்னல் போன்ற தொழில் திறன்களை இளம்பெண்கள் கற்றுக்கொண்டு வருமானம் ஈட்ட உதவும் வகையில் தொழிற்பயிற்சி மையம் ஒன்று உருவாக்கப்பட்டது.

திட்டத்திற்கு ஆதரவாக மரவள்ளிக்கிழங்கு, அன்னாசி போன்றவை பயிரிடப்பட்டன.

ஆயிரக்கணக்கான கிலோமீட்டருக்கு அப்பால் உள்ள ஒரு சமூகத்திற்குத் தம் தந்தை தன்னை அர்ப்பணித்துக்கொண்டதைப் பார்த்தது, திரு தோப்பிலின் மனத்தில் நீங்காத முத்திரையைப் பதித்தது.

“சமூகம் சார்ந்த நற்பணிகளைச் செய்ய வேண்டும் என்ற எண்ணத்தை என் தந்தைதான் எனக்கும் என் சகோதரருக்கும் ஆழமாகப் பதித்தார்,” என்று அவர் கூறினார்.

கனடாவிற்கும் இந்தியாவிற்கும் இடையே குடும்பம் தொடர்ச்சியாகப் பயணம் செய்து வந்தது, தமக்கும் தமது தம்பி ஜேக்கப்பிற்கும் ஓர் அனைத்துலகப் பார்வையை அளித்தது என்று அவர் நம்புகிறார்.

இருவருமே இறுதியில் அனைத்துலக அளவில் வலுவான தொடர்புகொண்ட தொழிலைத் தேர்ந்தெடுத்தனர்.

ஆசியா முழுவதும் தூதராகப் பணியாற்றிய ஒரு கனடியத் தூதருக்கு, அதுவே அவரது மலையாளி அடையாளத்தின் நிலைத்திருக்கும் ஆற்றலாக இருக்கலாம்.

கனடாதான் திரு தோப்பில் பிறந்த, வாழ்க்கையை அமைத்துக்கொண்ட இடம்.

ஆனால், கேரளம் எப்போதும் தமது சொந்த வீடு என்று அழைக்கக்கூடிய இடமாகவே நீடிக்கிறது.