மகாகவி பாரதியாரைக் கௌரவித்த கலைநிகழ்ச்சி

எஸ். வெங்கடேஷ்வரன்

மகாகவி பாரதியாரின் நினைவு நாளையொட்டி, ஸ்ரீ நாராயண மிஷனில் வசிப்போருக்காக பாரதியார் இயற்றிய சில பாடல்களுக்குப் பாட்டு பாடியும் அபிநயம் பிடித்தும் கலாமஞ்சரி அமைப்பினர் கலைநிகழ்ச்சி ஒன்றைப் படைத்தனர். கடந்த மாதம் 29ஆம் தேதி ஸ்ரீ நாராயண மிஷனில் நடைபெற்ற இந்த நிகழ்ச்சியில் மொத்தம் 22 கலைஞர்கள் பங்கேற்று 11 பாடல்களையும் மூன்று நடன நிகழ்ச்சிகளையும் படைத்தனர். கலைஞர்கள், இல்லக் குடி யிருப்பாளர்கள் உட்பட மொத்தம் ஏறத்தாழ 80 பேர் இந்நிகழ்ச்சியில் கலந்து கொண்டனர். “இங்கு வசிப்பவர்கள், பாரதியாரின் பாடல்கள் மற்றும் நடனத்தைக் கண்டு மகிழ்ந் தனர். அவர்கள் இருக்கும் இடத்திலேயே, அவர்களுக்காக இந்நிகழ்சியைப் படைத்த கலாமஞ்சரி அமைப்பினருக்கு எங்களுடைய நன்றி,” என்றார் ஸ்ரீ நாராயண மிஷனின் தலைமை நிர்வாக அதிகாரி திரு எஸ். தேவேந்திரன்.

 

இப்பகுதியில் மேலும் செய்திகள்

கவிதை விழாவையொட்டி நேற்று சனிக்கிழமை காலை ஆர்ட்ஸ் ஹவுசில் நடைபெற்ற சங்கம் நிகழ்ச்சியில் ஆங்கிலம், மலாய், சீனம், தமிழ் மொழிக் கவிதைகள் குறித்த கலந்துரையாடலும் கவிதை வாசிப்பும் இடம்பெற்றது. படத்தில் நிகழ்ச்சியை வழிநடத்திய டாக்டர் அசார் இப்ராஹிமுடன் (இடமிருந்து இரண்டாவது) உரையாடும் பிற மொழிக் கவிஞர்களுடன் தமிழ் மொழிக் கவிஞர்கள் நெப்போலியன் (வலமிருந்து இரண்டாவது), க.து.மு.இக்பால் (வலக்கோடி). படங்கள்: சிங்கப்பூர் கவிதை விழா

21 Jul 2019

'மக்களைப் புரிந்துகொள்ள இலக்கியம்'

'மிஸ் இந்தியா சிங்கப்பூர்' விருதை 2005ஆம் ஆண்டு பெற்று, உள்ளூர் நடிகையாக வலம் வரும் திருமதி காயத்திரி இப்போட்டியின் ‘மிசஸ் சிங்கபோலிட்டன்’ பிரிவில் இறுதிச் சுற்றுக்கு முன்னேறி உள்ளார். படம்:சிங்கபோலிட்டன் ஏற்பாட்டுக் குழு

21 Jul 2019

‘சிங்கபோலிட்டன்’ எனும் அழகு ராணி போட்டி

சமூகத்துக்கும் குடும்பத்துக்கும் ஆற்றிய பணிகளின் அடிப்படையில் தேர்ந்தெடுக்கப்பட்ட (அமர்ந்திருப்போரில் இடமிருந்து) திருமதிகள் கமலா சண்முகம், மாலதி, ஸ்வப்னஸ்ரீ ஆகியோருக்கு 'அன்னையர் திலகம்' விருதை நாடாளுமன்ற உறுப்பினர் விக்ரம் நாயர் (நடுவில் நிற்பவர்) வழங்கினார்.
படம்: தமிழ்ப் பட்டிமன்றக் கலைக் கழகம், செய்தி: யூசுப் ரஜித்

21 Jul 2019

அன்னையர் திலகம்