உறவுக்குக் கம்பத்துப் பொங்கல்; ஒற்றுமைக்குத் தமிழர் திருநாள்

அடுக்குமாடி வீட்டு சமையல் அறைக்குள் ‘பொங்கலோ பொங்கல்’ என்று சொல் லும் காலம் இன்று. கம்பத்து வீட்டிற்கு வெளியே கூட்டாகப் பொங்கல் வைத்த காலம் அன்று. எளிய வாழ்க்கை முறை, கூட்டாக பொங்கல் வைப்பது, அக்கம்பக்க வீட்டினர், உற்றார், உறவினருடன் ஒரு வருக்கொருவர் வாழ்த்துச் சொல்லி பாரம் பரிய விளையாட்டுகளில் ஈடுபடுவது என சிங்கப்பூரில் ஓர் அழகிய பொற்காலமாக விளங்கியது அந்தக் கால கம்பத்துப் பொங்கல் பண்டிகை. சமூக அமைப்பில் நிர்வாகியாக பணி புரியும் 66 வயது திரு கா.சுப்பிரமணியம், கடந்த 1970களில் புக்கிட் தீமா பகுதி கம்பத்தில் வசித்தவர். “சூரியன் உதிக்கும் நேரம் பார்த்து பொங்கல் வைத்து பிறகு சடுகுடு போன்ற பாரம்பரிய இந்திய விளையாட்டுகளில் ஈடுபட்டது எனது இளம் பருவத்தை ஆனந்தமாக்கியது. உறி அடிக்கும் போட்டி, பொங்கல் மண் பானையில் சாயம் பூசுதல், காற்பந்துப் போட்டி என பல்வேறு போட்டிகளில் சமூகத்தினர் பங்கெடுத்தார் கள்,” என்று அவர் நினைவு கூர்ந்தார்.

தோட்டத்திலேயே கிடைக்கும் திருவிழாக் கோலமாக கொண்டாடப் பட்ட பொங்கல் பண்டிகை அடுக்குமாடி வீட்டுப் பேட்டைகளுக்கு வந்ததும் அதன் மெளசு குறைந்துவிட்டதாக உணர்கிறார். சிங்கப்பூர் டர்ஃப் கிளப் குடியிருப்பில் வசித்த திருமதி ஜி. லீலாவுக்கு, நெய், அரிசி, பால், உலர் திராட்சை என அடிப்படையான பொருட்களைக் கொண்டு பொங்கல் வைத்த 1960களின் நினைவு இப்போது மனதில் எழுந்தது. எளிமையான ஆனால் மகிழ்ச்சியான வாழ்க்கைச் சூழல் அது என்று கூறிய 65 வயது லீலா, பொங்கல் நாளில் சமையலுக்குத் தேவையான பொருட்களை வாங்குவதற்கான அவசியம் அரிதே என் றார். அந்தக் குடியிருப்பு ஊழியர்களுக்கு ஒதுக்கப்படும் தரை வீட்டின் முன்புறத்தை யும் பின்புறத்தையும் அலங்கரிக்கும் கரும்புகள், அவர்களது வீட்டுத் தோட்டத்தில் இருந்தே கிடைக்கும்.

இஞ்சிக் கொத்து, மஞ்சள் கொத்து, வீட்டின் வாசலில் கட்டும் மா இலை, படையலுக்குத் தேவையான வாழைப்பழம் சமையலுக்குத் தேவைப்படும் புதினா போன்றவற்றைச் சொந்தமாகவே வளர்க்க முடியும். அண்டை வீட்டாருடன் இவற்றைப் பகிர்ந்துகொள்ளும் கம்பத்து உணர்வும் அப்போது அதிகம்.

பொங்கலுக்கு வாங்கப்படும் மண் பானை பொங்கலுக்கு மட்டுமின்றி அடுத்த பொங்கல் வரை சமையலுக்குப் பயன் படுத்தப்படும். வீட்டில் ஏழு சகோதர, சகோதரிகளுடன் கூட்டாகக் கொண்டாடு வது போல் வருமா?” என்று சொல்லி இவரது மனம் ஏங்கியது.

இதுபோன்ற ஏக்கம் தமிழ் தொலைக் காட்சி நடப்பு விவகார செய்திப் பிரிவின் முன்னாள் தலைவரான 70 வயது திரு எம். கார்மேகம் மனதிலும் உள்ளது.

 

இப்பகுதியில் மேலும் செய்திகள்

இம்மாதம் 10ஆம் தேதி அங் மோ கியோ சமூக மன்றத்தில் ஜாலான் காயு, ஆர்.ஏ.எஃப். சிலேத்தார் சிறப்பு நிகழ்ச்சி இடம்பெற்றது.
அந்தக் காலத்தின் நினைவலைகளைத் தட்டி எழுப்பும் வகையில் ஏற்பாடு செய்யப்பட்ட நிகழ்ச்சியில் சுமார் 400 பேர் கலந்துகொண்டனர்.
சுமார் 40 ஆண்டுகளுக்கு முன் இப்பகுதிகளில் தமிழ் கலாசார நிகழ்ச்சிகளையும் பண்டிகைகளையும் கோலாகலமாக கொண்டாடி மகிழ்ந்த இந்த மக்கள் அன்றைய நினைவில் ஆடல், பாடலுடன் விருந்துண்டு மகிழ்ந்தனர். படம்: ஸ்ட்ரெய்ட்ஸ் டைம்ஸ்

18 Aug 2019

ஜாலான் காயு, சிலேத்தார்வாசிகளை ஒன்றிணைத்த கலை நிகழ்ச்சி

தேசிய கல்விக் கழக விரிவுரையாளர் திரு ரத்தினவேல் சண்முகம், பார்வையாளர்கள், கலைத்துறை கவனிப்பாளர்களின் கண்ணோட்டத்தில் தமிழ் நாடகங்கள் குறித்த தமது கருத்துகளை முன்வைத்தார். நாடகத் துறையைச் சேர்ந்த கலைஞர்கள், கலை ஆர்வலர்கள் என ஏறத்தாழ 60 பேர் இம்மாதம் 3ஆம் தேதி அனைத்து கலாசார நாடகப் பள்ளியில் நடைபெற்ற கருத்தரங்கில் பங்கேற்றனர். படம்: அகம்

18 Aug 2019

தனித்த அடையாளத்துடன் சிங்கப்பூர் தமிழ் நாடகம்