தீபாவளி அன்பளிப்புப் பைகள் விநியோகம்

எஸ்.வெங்­க­டேஷ்­வ­ரன்

தஞ்­சோங் பகார், தியோங் பாரு வட்­டா­ரங்­களில் வாடகை வீடு­களில் வசிக்­கும் வசதி குறைந்த குடும்­பங்­க­ளுக்கு தீபா­வளி உணர்­வைக் கொண்­டு­சேர்க்­கும் வண்­ணம் தீபா­வளி அன்­ப­ளிப்­புப் பைகள் விநி­யோ­கம் செய்­யும் நட­வ­டிக்கை கடந்த மாதம் 31ஆம் தேதி நடை­பெற்­றது. தஞ்­சோங் பகார் குழுத்­தொ­குதி நாடா­ளு­மன்ற உறுப்­பி­ன­ரும் பிர­த­மர் அலு­வ­லக அமைச்­ச­ரு­மான குமாரி இந்­தி­ராணி ராஜா இந்த நிகழ்­வில் கலந்­து­கொண்­டார். குடும்­பங்­க­ளி­டம் அவர் அன்­பளிப்புப் பைகளை வழங்­கி­னார்.

தஞ்­சோங் பகார், தியோங் பாரு இந்­தி­யர் நற்­ப­ணிச் செயற்­கு­ழுக்­கள் ஒருங்கிணைத்த இந்த விநி­யோக முயற்­சிக்கு அடித்­தள அமைப்­பு­கள், குடி­யி­ருப்­பா­ளர் குழு உறுப்­பி­னர்­கள், தொண்­டூ­ழி­யர்­கள், மக்­கள் கழக ஊழி­யர்­கள் ஆகி­யோர் கைகொ­டுத்­த­னர்.

கடந்த ஐந்து ஆண்­டு­க­ளாக நடை­பெற்று வரும் இந்த முயற்­சிக்கு 'ஹார்ட்­வார்­மர்ஸ்' என்ற தொண்­டூ­ழிய அமைப்பு அன்­ப­ளிப்புப் பைகளை வழங்கி வரு­கிறது.

இவ்­வாண்­டின் கொவிட்-19 கொள்­ளை­நோய் சூழ­லைக் கருத்­தில்­கொண்டு 'விட்­ட­மின் சி' மாத்­தி­ரை­கள், மின்­னி­லக்க வெப்­ப­மானி போன்ற பொருட்­கள் பைகளில் சேர்க்­கப்­பட்­டுள்­ளன.

இந்­திய மர­பு­டை­மை நிலையம் வழங்­கிய மயில் படம் கொண்ட 'அங் பாவ்' பாக்­கெட்­டு­கள், ரொக்­கம் நிரப்­பப்­பட்ட 'நெட்ஸ்' அட்டை போன்­ற­வற்­று­டன் வழக்­க­மான உண­வுப் பொருட்­களும் பைகளில் அடங்­கும். ஏழு புளோக்­கு­களில் வாடகை வீடு­களில் வசிக்­கும் குடும்­பங்­க­ளுக்கு மொத்­தம் 75 அன்­ப­ளிப்­புப் பைகள் வழங்­கப்­பட்­டன. ஒவ்­வொரு பையும் $120 முதல் $150 வரை மதிப்­பு­டை­யது.