ஆரோக்கியமாக இருந்தாலும் நிமோனியா தடுப்பூசி போட்டுக்கொள்வது அவசியம்

- ப. பால­சுப்­பி­ர­ம­ணி­யம்

சிலர் ‘நியூ­ம­கா­கோல் நிமோ­னியா’வை (Pneumococcal Pneumonia), சளிக்­காய்ச்­சல் என்று எண்­ணி­வி­டு­கின்­ற­னர். ஆனால், அது தவறு. நுரை­யீ­ர­லைப் பெரும் பாதிப்­புக்­குள்­ளாக்­கும் தன்­மை­கொண்ட தொற்று நோய் அது. ‘பேக்­டீ­ரியா’ என்ற நுண்­ணு­யி­ரி­யால் அது உரு­வா­வது வழக்­கம். நெருக்­கத்­தி­லி­ருக்­கும் மற்­றொ­ரு­வ­ருக்கு எளி­தில் பர­வக்­கூ­டிய தன்மை அதற்கு உள்­ளது. இரு­மல் வழி­யா­க­வும் அது பர­வ­லாம்.

இதற்கு ஏன் முக்­கி­யத்­து­வம் கொடுக்க வேண்­டும் என்று எண்ணு­வதே தவ­றா­கும். ஏனெ­னில், சிங்­கப்­பூ­ரில் அதிக மர­ணம் விளை­விக்­கும் நோய்­க­ளின் பட்­டி­ய­லில் இது இரண்­டா­வது இடத்­தைப் பிடித்­துள்­ளது என்­பது அச்­சு­றுத்­தும் ஓர் உண்­மை­யா­கும். இரண்டு அல்­லது அதற்­கும் குறை­வான வய­து­டைய பிள்­ளை­க­ளுக்­கும் 65 அல்­லது அதற்கு மேற்­பட்ட வய­தி­ன­ருக்­கும் இந்­நோய் தொற்­றும் சாத்­தி­யம் அதி­க­மென்று ‘சாட்டா காம்­ஹெல்த்’ (SATA CommHealth) மருத்­துவ நிலை­யச் சேவை­கள் வழங்­கும் அமைப்­பின் இயக்­கு­நர் டாக்­டர் ‌ஷெரல் கிலன் (படம்) தெரி­வித்­தார்.

நுரை­யீ­ரல் நோய், இதய நோய், ஆஸ்­துமா உள்­ள­வர்­கள், புகைப்­பி­டிப்­ப­வர்­கள், ‘கீமோ­தெரப்பி’ போன்ற கடும் சிகிச்­சை­க­ளுக்­குச் சென்று நோய் எதிர்ப்­பாற்­றல் குறை­வான அள­வில் கொண்­ட­வர்­கள், சுவா­சத்­திற்கு உத­வும் கரு­வி­க­ளைப் பயன்­ப­டுத்­தி­ய­வாறு மருத்­து­வ­மனை­யில் தங்க அனு­ம­திக்­கப்­பட்­ட­வர்­கள் போன்­ற­வர்­க­ளை­யும் இது தாக்­கக்­கூ­டும் என்­றார்.

இந்­திய சமூ­கத்­தி­ன­ரி­டையே நுரை­யீ­ரல் நோய், நீரி­ழிவு நோய், ஆஸ்­துமா போன்ற நாள்­பட்ட நோய் கொண்­ட­வர்­க­ளுக்­கும் இந்­நோய் தொடர்­பில் கவ­னம் தேவை.ஒரு­வர் ஆரோக்­கி­ய­மாக இருந்­தா­லும் முது­மைக் காலத்தை அடைந்­த­தும் நிமோ­னியா அவ­ரைத் தாக்­கக்­கூ­டும் என்று டாக்­டர் ‌ஷெரல் கிலன் எச்­ச­ரித்­துள்­ளார். எனவே, இதி­லி­ருந்து பாது­காத்­துக்­கொள்ள தடுப்­பூசி போட்­டுக்­கொள்­வதே சிறந்த வழி­யா­கும்.

சளி­யு­டன் கூடிய இரு­மல், காய்ச்­சல், மூச்­சுத்­தி­ண­றல், சுவா­சிக்­கும்­போது மார்­புப் பகு­தி­யில் வலி, களைப்பு, மன­ந­லத் தெளி­வில் மாற்­றம் அல்­லது குழப்­பம், குறிப்­பாக முதி­ய­வர்­க­ளி­டம் இந்த அறி­கு­றி­கள் இருந்­தால் அது நிமோ­னியா நோயாக இருக்­க­லாம்.

சுகா­தார அமைச்­சின் பரிந்­துரைப்­படி, 65 வயது அல்­லது அதற்கு மேற்­பட்­ட­வர்­கள் நிமோ­னி­யா­வுக்கு எதி­ரா­கத் தடுப்­பூசி போட்­டுக்­கொள்­வது நல்­லது என்று கூறப்­பட்­டுள்­ளது. ‘பெரி­ய­வர்­க­ளுக்­கான தேசிய தடுப்­பூ­சித் திட்ட அட்­ட­வணை’ (National Adult Immunisation Schedule) நிபந்­தனை­க­ளுக்­குத் தகு­தி­பெ­றும் சிங்­கப்­பூர் குடி­மக்­க­ளுக்கு நிமோ­னி­யா­வுக்கு எதி­ரான தடுப்­பூ­சிக் கட்­டணத்­தில் சலு­கை­கள் உண்டு. இது கடந்த ஆண்டு நவம்­பர் மாதத்­தி­லி­ருந்து நடை­மு­றைப்­ப­டுத்­தப்­பட்­டது. பல­துறை மருந்­த­கங்­க­ளி­லும் ‘சாஸ்’ தனி­யார் மருந்­த­கங்­க­ளி­லும் (CHAS GPs) நிமோ­னி­யா­வுக்கு எதி­ரான தடுப்­பூசி சலு­கை­க­ளைப் பெற்­றுக்­கொண்டு பயன்­பெ­ற­லாம்.

முன்­னோ­டித் தலை­முறை அட்டை, மெர்­டேக்கா தலை­முறை அட்டை அல்­லது சாஸ் (CHAS) அட்­டை­யைக் கொண்டு இச்­ச­லு­கை­க­ளைப் பெற்­றுக்­கொள்­ள­லாம்.

மேலே குறிப்­பி­டப்­பட்ட அட்­டை­களில் எத­னைப் பயன்­ப­டுத்­து­கிறீர்­கள் என்­ப­தைப் பொறுத்து, 10 வெள்ளி முதல் அதி­க­பட்­ச­மாக 63 வெள்ளி வரை­யி­லான கட்­ட­ணத்தை இத்­த­டுப்­பூ­சிக்­காக தனி­யார் மருந்­த­கத்­தில் ஒரு­வர் செலுத்­து­வ­தாக இருக்­கும். நிமோ­னியா நோய் பற்றி மேல் விவ­ரம் அறிய, https://www.knowpneumonia.sg/ இணை­யப் பக்­கத்­திற்­குச் செல்­ல­லாம்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!