மாணவர் முரசு
இ-பேப்பர்
பல மக்களை ஒன்றிணைத்து, ஒரு கலாசாரச் சின்னமாக மாறியிருக்கும் தேக்கா வட்டாரத்தைப் பற்றி உணவின் வழியாகவே அறிந்துகொள்ளும் வாய்ப்பை ஏற்படுத்தித் தந்துள்ளது, தேக்கா உணவுத் தடங்கள் (Tekka Food Steps) எனும் ஒலிவிளக்க வழிகாட்டி.
'பிரௌன் வாய்சஸ்' எனும் குழுவினர் இந்த ஒலிவிளக்கங்களை உருவாக்கினர். இவ்வாண்டின் சிங்கப்பூர் எழுத்தாளர் விழாவின் ஒரு பகுதியாக இதற்கு ஏற்பாடு செய்யப்பட்டிருந்தது.
வெவ்வேறு காலகட்டங் களைச் சேர்ந்த ஐந்து கதாபாத்திரங்கள் தங்களுக்குப் பிடித்த காட்சிகள், ஒலிகள், நறுமணங்கள், இவற்றுடன் பின்னியிருக்கும் நினைவுகள் ஆகியவற்றை எடுத்துரைப்பார்கள். அதை வேறு எவர் உதவியும் இன்றி கேட்டுக்கொண்டே தேக்காவை வலம்வர ஏற்பாடு செய்யப்பட்டுள்ளது.
ஒவ்வோர் உணவுத் தடமும் பல்வேறு சாலைகளைச் சுற்றிச் செல்கிறது. அதில் தமிழர்கள் வாங்கும் காய்கறிகள், உணவுகள், சுவைக்கும் இனிப்புவகைகள், உழைக்கும் மக்களின் நினைவுகள், வெளிநாட்டு ஊழியர்களின் அனுபவங்கள் என பல்வேறு அம்சங்கள் அலசப்படுகின்றன.
தமிழிலும் ஆங்கிலத்திலும் உள்ள இந்த ஒலிவிளக்கப் பதிவுகளை இலவசமாக ஸ்பாட்டிஃபை செயலியில் கேட்கலாம்.
