உலகை வலம் வந்து திருமணம் புரிந்த ஸ்னூக்கர் வீரர் ஷாரிக்

சிங்­கப்­பூ­ரின் மற்ற ஸ்னூக்­கர் வீரர்­க­ளைப் போல், 32 வயது ஷாரிக் சையதும் கடந்த செப்­டம்­பர் மாதத்­தி­லி­ருந்து அமெ­ரிக்­கப் போட்­டி­களில் பங்­கேற்று வரு­கி­றார்.

இருப்­பி­னும், இம்­மா­தம் 6ஆம் தேதி அவர், அலோய்­சி­யஸ் யாப், டோ லியன் ஹான் ஆகியோர் கொண்ட தமது குழு­வி­லி­ருந்து பிரிந்து நெடுந்தூரப் பய­ணம் மேற்­கொண்­டார்.

வெர்­ஜி­னி­யா­வி­லி­ருந்து நியூ­யார்க்கை அடைய ஏழு மணி­நேரம் காரில் பய­ணம் செய்து, பின்­னர் அங்­கி­ருந்து சான்ஃபிரான்­சிஸ்­கோ­வுக்கு ஆறு மணி­நே­ரம் விமா­னத்­தில் பய­ணம் செய்து, பின்­னர் அங்­கி­ருந்து 16 மணி­நே­ரம் விமா­னப் பய­ணம் மேற்­கொண்டு சிங்­கப்­பூர் வந்து சேர்ந்­தார்.

இந்த நெடுந்­தூர பய­ணம் அவ­ருக்­குக் களைப்­பைக் கொடுக்­க­வில்லை. மாறாக, களிப்­பைத்­தான் கொடுத்­தது. 30 வயது அர­சாங்க அதி­காரி குமாரி விசா­லாட்சி முனி­யாண்­டியை அவர் கரம்பற்ற விருந்­ததே அந்­தக் களிப்­புக்­குக் கார­ணம்.

இம்­மா­தம் 8ஆம் தேதி சிங்­கப்­பூர் வந்­து­சேர்ந்­த­வு­டன் ஷாரிக்­கும் அவர் மனை­வி­யும் நேராக திரு­ம­ணப் பதி­வ­கத்­துக்­குச் சென்று அங்­குள்ள நடை­மு­றை­களை நிறை­வேற்­றி­விட்டு, பின்­னர் இம்­மா­தம் 11ஆம் தேதி நடந்த தங்­கள் திரு­ம­ண ஆயத்த வேலை­களில் ஈடு­பட்­ட­னர்.

திரு­ம­ணம் முடிந்த அடுத்த நாள் இரவு ஷாரிக், மறு­ப­டி­யும் மொத்­தம் 28 மணி­நே­ரம் பய­ணம் செய்து புவேட்டோ ரிக்கோ பொது விருது ஸ்னூக்­கர் போட்­டி­யில் பங்­கேற்­கும் சிங்­கப்­பூர் குழு­வி­ன­ரு­டன் சேர்ந்­து­கொண்­டார்.

"ஐந்து நாட்­களில் முன்­னும் பின்­னு­மாக உல­கைச் சுற்றி வந்­தது களைப்­பாக இருந்­தா­லும் அது­வும் இரு சுக­மான அனு­ப­வ­மாக இருந்­தது," என்று கூறிய உல­கத் தர வரி­சை­யில் 62வது இடத்தை வகிக்­கும் ஷாரிக், உல­கத் தர வரி­சை­யில் முதல் இடத்­தில் உள்ள ஸ்பெ­யி­னின் ஃபிரான்­சிஸ்கோ சஞ்­சேஸ்-ருயி­சை புவேட்டோ ரிக்கோ போட்டியில் தோற்­க­டித்­தார். இருப்­பி­னும் அடுத்த சுற்­றில் 32வது இடத்தை வகிக்­கும் போலந்­தின் டேனி­யல் மசி­யோ­லி­டம் ஷாரிக் தோற்­றார்.

மீண்­டும் சிங்­கப்­பூர் திரும்­பும் ஷாரிக் தம் மனை­வி­யு­டன் தேன்­நி­ல­வுக்­குச் செல்ல திட்­ட­மி­டு­கிறார்.