மாணவர் முரசு
இ-பேப்பர்
அன்புள்ள துலா ராசிக்காரர்களே,
ஆண்டுக் கோள்களான குரு, சனி, கேதுவின் அமைப்புகள் பிரமாதம் எனலாம். சந்திரன், சுக்கிரன், புதன் அருள்புரிவர். ராகு, சூரியன், செவ்வாயின் ஆதரவு இல்லை.
இலக்குகளை அடையும் வரை சலிக்காமல் உழைக்கக் கூடியவர்கள் நீங்கள். இவ்வாரம் உங்களது மனத்தில் தன்னம்பிக்கை அதிகரிக்கும். சவால்களை எதிர்கொள்ளத் தயாராக இருப்பீர்கள். உங்கள் திறமையை நிரூபிக்கும் வகையில் புதுப் பொறுப்புகள் காத்திருக்கும். அனைத்தையும் செவ்வனே நிறைவேற்றுவீர்கள். உழைப்புக்குரிய ஆதாயங்களும் பாராட்டுகளும் உடனுக்குடன் தேடி வருவது மனநிறைவு தரும். புது முயற்சிகள் சோடை போகாது. பயணங்கள், சொத்துகள் தொடர்பில் ஆதாயமுண்டு. வழக்குகள் சாதகமான போக்கில் நகரும். வரவுகள் இனிக்கும். செலவுகள் குறையும். சேமிப்புகளை உயர்த்தும் வாய்ப்புண்டு. வாழ்க்கை வசதிகள் அதிகரிக்கும். உடலும் உள்ளமும் சிறப்பாக இருக்கும். மங்கல காரியங்கள் விமரிசையாக நடந்தேறும். பல நாளாக இழுபறியில் இருந்த மங்கலப் பேச்சுகளை இப்போது மீண்டும் தூசு தட்டி முயற்சிக் செய்யலாம். பணியாளர்களுக்கு சிறப்புச் சலுகைகள் கிட்டும். செய்தொழில் ஏறுமுகமாக இருக்கும். வார இறுதியில் மறைமுக எதிரிகளின் ஆதிக்கம் இருக்கும். இச்சமயம் எங்கும், எதிலும் கவனம் தேவை.
குடும்ப நலன் தொடர்பான முயற்சிகள் வேகம் காணும்.
அனுகூலமான நாள்கள்: மே 17, 18
அதிர்ஷ்ட எண்கள்: 3, 7