மாணவர் முரசு
இ-பேப்பர்
அன்புள்ள துலா ராசிக்காரர்களே,
இவ்வாரம் நிகழும் இடப்பெயர்ச்சிக்குப் பின் சுக்கிரனின் மங்கலத்தன்மை சிறக்கும். சனி, கேது, புதன், சந்திரன் மேன்மையான பலன்களைத் தருவர். குரு, ராகு, சூரியன், செவ்வாயின் ஆதரவு இல்லை.
மலை போன்ற பிரச்சினை வந்தாலும் அசராமல் அவற்றைக் கையாள்பவர் எனப் பலரும் உங்களைக் குறிப்பிடுவதுண்டு. தற்போது உங்கள் எண்ணம் போல் சில விஷயங்கள் நடந்தேறும். ‘விட்டேனா பார்’ என்கிற ரீதியில் சவாலான பணிகளையும் ஏற்று கச்சிதமாகச் செயல்படுவீர்கள். உழைப்புக்குரிய பலன்கள் கிட்டும். பொருளியில் ரீதியில் ஓரளவு பலமாக இருப்பீர்கள். வழக்கமான வரவுகள் தடையின்றிக் கிடைக்கும். செலவுகள் அதிகம் என்றாலும் சமாளித்திடலாம். அடுத்து வரும் நாள்களில் உங்கள் உடலும் உள்ளமும் சிறப்பாக இருக்கும். சுறுசுறுப்புடன் பணிகளைக் கவனிப்பீர்கள். காரியத் தடைகள் குறுக்கிடும் என்றாலும், தனிப்பட்ட திறமைகளின் உதவியோடு திட்டமிட்ட வேலைகளைச் செய்து முடிப்பீர்கள். சொத்துகள் வகையில் சில ஆதாயங்கள் உண்டு. பணியாளர்கள் வீண் பேச்சுகளைத் தவிர்ப்பது நல்லது. தொழில் புரிபவர்கள் அகலக்கால் வைக்கக் கூடாது. வார இறுதியில் மேற்கொள்ளும் பயணங்களால் அலைச்சல், ஆதாயம் இரண்டும் இருக்கும்.
குடும்பப் பிரச்சினைகள் நீங்கி அமைதி திரும்பும். பிள்ளைகள் ஏற்றம் காண்பர்.
அனுகூலமான நாள்கள்: நவம்பர் 25, 26
அதிர்ஷ்ட எண்கள்: 4, 9