கடைசியில் கைநழுவிய பட்டம்

புது­டெல்லி: சிங்­கப்­பூர் பூப்­பந்து விளை­யாட்­டா­ளர் லோ கியன் இயூ இந்­தி­யப் பொது விரு­துப் போட்­டி­யின் இறுதி ஆட்­டத்­தில் கடு­மை­யா­கப் போரா­டி­யும் பட்­டம் வெல்­லும் வாய்ப்­பைப் பறி­கொ­டுத்­தார்.

கடந்த மாதம் உலக வெற்­றி­யா­ளர் பட்­டத்­தைத் தன­தாக்கி, பூப்­பந்து உல­கில் புதிய நாய­க­னாக உரு­வெ­டுத்த 24 வயது லோ, இந்­தி­யப் பொது விரு­தி­லும் வாகை சூடு­வார் என்று எதிர்­பார்க்­கப்­பட்டது.

ஆனா­லும், இறுதி ஆட்­டத்­தில் உல­கத் தர­வ­ரி­சை­யில் 17ஆம் இடத்தில் இருக்­கும் இந்­தி­யா­வின் லக்­‌ஷயா சென்­னி­டம் 24-22, 21-17 என்ற புள்­ளிக் கணக்­கில் தோற்று ஏமாற்­ற­ம­ளித்­தார் 15ஆம் இடத்­தில்­இருக்கும் லோ.

முன்­ன­தாக நடந்த கலப்பு இரட்­டை­யர் பிரிவு இறு­திப் போட்­டி­யில், சிங்­கப்­பூ­ரின் டெரி ஹீ-டான் வெய் ஹான் இணை 21-15, 21-18 என்ற புள்­ளிக் கணக்­கில் மலே­சி­யா­வின் சென் டாங் ஜை - பெக் யென் வெய் இணை­யைத் தோற்­க­டித்து, பட்­டம் வென்­றது.

உல­கத் தர­வ­ரி­சை­யில் 182வது இடத்­தில் இருக்­கும் ஹீ-ஹான் தம்­ப­தி­யர், தாக்­கு­தல் ஆட்­ட­மு­றை­யைக் கையாண்டு, 40வது இடத்­தி­லுள்ள மலே­சிய இணைக்கு அதிர்ச்சி அளித்­த­னர்.

ஆட­வர் இரட்­டை­யர் பிரி­வு இறுதிப் போட்­டி­யில் இந்­தி­யா­வின் சாத்­விக்­சாய்­ராஜ் ரங்­கி­ரெட்டி - சிராக் ஷெட்டி இணை 21-16, 26-24 என்ற புள்­ளிக் கணக்­கில் இந்­தோ­னீ­சி­யா­வின் ஹேந்த்ரா செத்­தி­ய­வான் - முகம்­மது ஆசன் இணையை வீழ்த்­தி­யது.