மாணவர் முரசு
இ-பேப்பர்
பர்மிங்ஹம்: நான்காண்டுகளுக்குப் பிறகு மீண்டும் அமர்க்களமாக இங்கிலிஷ் பிரிமியர் லீக் காற்பந்தில் அடியெடுத்து வைத்துள்ளார் பிரேசில் வீரர் ஃபிலிப் கொட்டீன்யோ.
லிவர்பூல் குழுவிலிருந்து பார்சிலோனாவிற்கு இடம்பெயர்ந்த கொட்டீன்யோவை இந்தப் பருவத்தின் இறுதிவரைக்கும் கடனாகப் பெற்றுள்ளது ஆஸ்டன் வில்லா குழு.
மான்செஸ்டர் யுனைடெட் குழுவிற்கெதிராக நேற்று முன்தினம் பின்னிரவு நடந்த ஆட்டத்தில் மாற்று வீரராகக் களமிறங்கிய கொட்டீன்யோ, சற்று நேரத்தில் ஆட்டத்தின் போக்கை மாற்றினார்.
ஆட்டம் முடிய 13 நிமிடங்கள் இருந்தபோது ஜேக்கப் ராம்சி கோல் போட உதவிய கொட்டீன்யோ, அடுத்த ஐந்தாவது நிமிடத்தில் தம் பங்கிற்கும் ஒரு கோலைப் போட்டார். முன்னதாக, யுனைடெட்டின் இரண்டு கோல்களையும் புருனோ ஃபெர்னாண்டஸ் அடித்திருந்தார்.