மாணவர் முரசு
இ-பேப்பர்
ஹைதராபாத்: ‘ஸ்ரீநிவாஸ்’ என்ற பெயருடைய ஏறக்குறைய 2 ஆயிரம் பேர் ஒரே இடத்தில் ஒன்றுகூடிய நிகழ்ச்சி தெலுங்கானாவில் உள்ள மல்காபூர் பகுதியில் நடைபெற்றது.
அங்குள்ள கரீம்நகர் மாவட்டத்தைச் சேர்ந்தவர் ஸ்ரீநிவாச ரெட்டி. இவர் ‘ஸ்ரீனிவாஸ்’ என்ற பெயருடைய அனைவரையும் ஒருங்கிணைக்கும் முயற்சியில் ஈடுபட்டுள்ளார். இந்த முயற்சியில் உலகளவில் சாதனை படைக்க வேண்டும் என்றும் விரும்புகிறார்.
இதையடுத்து, பல்வேறு ‘வாட்ஸ் அப்’ குழுக்களைத் தொடங்கிய அவர், கடந்த 2003ஆம் ஆண்டிலிருந்து தனது நடவடிக்கைகளைத் தீவிரப்படுத்தி உள்ளார்.
முதற்கட்டமாக தெலுங்கானா, ஆந்திர மாநிலங்களைச் சேர்ந்த 36,000 பேரை இணைக்க கோத்தப்பள்ளி மண்டலம், மல்காபூர் பகுதியில் சந்திப்பு நிகழ்ச்சி நடத்தப்பட்டது.
இந்த நிகழ்ச்சியில் ‘ஸ்ரீநிவாஸ்’ என்ற பெயருடைய 2,000 பேர் உற்சாகத்துடன் கலந்துகொண்டனர்.
நிகழ்ச்சியின் தொடக்கத்தில் ‘ஸ்ரீநிவாஸ்’ என்ற பெயரை உச்சரித்ததும் அரங்கில் கூடியிருந்த அனைவரும் பதிலுக்கு ‘ஸ்ரீநிவாஸ்’ என்று முழக்கமிட்டனர்.
இந்த நிகழ்வையொட்டி 250 பேர் ரத்ததானம் செய்ததாகவும் ‘வொண்டர் புக் ஆஃப் ரெக்கார்ட்ஸ்’ புத்தகத்தில் இந்நிகழ்ச்சி இடம்பெற்றுள்ளது என்றும் ஸ்ரீநிவாஸ் ரெட்டி கூறினார்.
