மாணவர் முரசு
இ-பேப்பர்
சென்னை: செயற்கை நுண்ணறிவுத் தொழில்நுட்பத் துறையில் உலக அளவில் செல்வாக்கு மிக்கவர்களின் பட்டியலை வெளியிட்டுள்ளது ‘டைம்’ பத்திரிகை.
மொத்தம் நூறு பேரைக் கொண்ட இந்தப் பட்டியலில் எலான் மஸ்க், சாம் ஆல்ட்மேன் ஆகியோருடன் ‘சென்னை ஐஐடி’ இணைப் பேராசிரியர் மிதேஷ் கப்ரா பெயரும் இடம்பெற்றுள்ளது.
இயந்திரக் கற்றல் பிரிவில் மேற்கொண்ட ஆராய்ச்சிக்காகப் பாராட்டுகளைப் பெற்றவர் மிதேஷ்.
பெரும்பாலும் கல்வி சார்ந்த ஆய்வுகளில் மட்டுமே பங்கேற்று வரும் இவர், இந்தி மொழிகளில் ‘ஏஐ’ தொழில்நுட்பத்தைப் பயன்படுத்துவதற்கு முன்னுரிமை அளிக்கிறார். வட்டார மொழிகளுக்கான குரல் தொழில்நுட்பத்துக்காக, மிதேஷ் கபார் செய்துள்ள பங்களிப்பு முக்கியமானது.
இந்தியாவில் உள்ள அனைத்து ‘ஸ்டார்ட் அப்’ நிறுவனங்களும் மிதேஷும் அவரது குழுவினரும் உருவாக்கியுள்ள தரவுத்தொகுப்புகளைத்தான் பெரிதும் சார்ந்துள்ளதாக டைம் பத்திரிகை கூறியுள்ளது.
“இந்திய அரசு தொடங்கிய ‘பாஷினி’ திட்டத்துக்கும் மிதேஷ் பங்களித்துள்ளார். ‘ஏஐ’ தொழில்நுட்பத்தைப் பயன்படுத்தி, உள்ளூர் மொழிகளில் மின்னிலக்கச் சேவைகளை வழங்குவதற்காக இந்திய அரசு இத்திட்டத்தைத் தொடங்கியது.
இதற்காக மிதேஷின் ‘ஏஐ4பாரத்’ ஆராய்ச்சி ஆய்வகமானது, நாள் முழுவதும் ஏறக்குறைய 500 மாவட்டங்களில் இருந்து ஆயிரக்கணக்கான மணி நேர குரல் பதிவுகளைச் சேகரிக்கும் திட்டத்தை முன்னெடுத்தது.
முன்பெல்லாம் மொழி சார்ந்த தொழில் நுட்பங்களைப் பயன்படுத்துவது தொடர்பாக ஆய்வு மேற்கொண்ட பிஎச்டி மாணவர்கள், ஆங்கில மொழியில் மட்டுமே கவனம் செலுத்தி வந்த நிலை மாறிவிட்டதாகச் சொல்கிறார் மிதேஷ்.
தொடர்புடைய செய்திகள்
மாறாக, தற்போது இந்திய மொழிகளில் எதிர்கொள்ளும் சவால்கள் தொடர்பாக அவர்களின் ஆய்வுக்கோணம் மாறியுள்ளதாக மிதேஷ் கூறியுள்ளார் என்று டைம் பத்திரிகை குறிப்பிட்டுள்ளது.