மாணவர் முரசு
இ-பேப்பர்
சென்னை: தமிழக காங்கிரஸ், ஆட்சியில் பங்கு கேட்டு வலியுறுத்தி வருவதால் திமுக-காங்கிரஸ் கூட்டணியில் சலசலப்பு அதிகரித்து வருகிறது.
வரும் சட்டசபைத் தேர்தலில் திமுகவிடமிருந்து அதிக தொகுதிகளைப் பெற வேண்டும், ஆட்சியில் அதிகாரம் வேண்டும் எனத் தமிழக காங்கிரஸ் தலைவர் செல்வப் பெருந்தகை, சிவ[Ϟ]கங்கை காங்கிரஸ் எம்பி கார்த்தி சிதம்பரம் உள்ளிட்ட முக்கிய தலைவர்கள் குரல் கொடுத்து வருகின்றனர்.
தமிழக காங்கிரஸ் முன்னாள் தலைவர் கே எஸ் அழகிரியும் கூட்டணி ஆட்சிக்கு ஆதரவு தெரிவித்துள்ளார்.
காங்கிரஸ் மேலிடம் கூட்டணி ஆட்சிக் குறித்து எந்த முடிவும் அறிவிக்காத நிலையில் தமிழக காங்கிரசில் கூட்டணியில் ஆட்சி கேட்கும் முழக்கம், திமுக காங்கிரஸ் கூட்டணியில் சலசலப்பை ஏற்படுத்தி உள்ளது.
இதற்கு முற்றுப்புள்ளி வைக்கும் வகையில் கூட்டணி ஆட்சிக் குறித்து தமிழக காங்கிரஸ் நிர்வாகிகள் யாரும் பேச வேண்டாம் என்றும் இதுகுறித்து டெல்லி மேலிடம் தான் முடிவு எடுக்க வேண்டும் என்றும் தமிழக காங்கிரஸ் மூத்த துணைத் தலைவர் கே விஜயன் வலியுறுத்தியுள்ளார்.
“தமிழக சட்டசபை காங்கிரஸ் கட்சியின் தலைவர் கே.எஸ். அழகிரி போன்றோர் பொது வழியில் பத்திரிகை வாயிலாக ஆட்சியில் பங்குதேவை எனபதும் கூட்டணியில் அதிக இடங்கள் தேவை என்று கருத்து சொல்வதும் நமது கட்சியிலும் கூட்டணியிலும் குழப்பத்தை ஏற்படுத்துவதாக உள்ளது. இது, வேகமாகச் செயல்பட்டு வரும் மாநில காங்கிரஸ் தலைமையைப் பலவீனப்படுத்தும் மறைமுகச் செயலாகும்,” என்று கே விஜயன் குறிப்பிட்டுள்ளார்.
காங்கிரஸ் கட்சியைப் பொறுத்தமட்டில் கூட்டணிபற்றியும் எத்தனை இடங்கள் தேவை என்பதையும் முடிவு செய்கின்ற அதிகாரம் அகில இந்திய காங்கிரஸ் கட்சியின் தலைமைக்கு மட்டுமே உண்டு.
“தேர்தல் வருவதற்கு முன் அகில இந்திய காங்கிரஸ் கட்சி, தமிழக காங்கிரஸ் கட்சி தொண்டர்களின் உணர்வுகளைப் புரிந்து சரியான முடிவுகளை எடுக்கும். சட்டமன்றத் தேர்தல் வரும் நிலையில் அனைவரும் ஒற்றுமையுடன் தமிழக காங்கிரசை பலப்படுத்திப் பெரும் வெற்றியை நமது தலைவர் ராகுல்ஜியிடம் அளிப்போம்,” என்று அவர் மேலும் கூறியுள்ளார்.
தொடர்புடைய செய்திகள்
காங்கிரஸ் கட்சி, மத்தியில் ஆட்சியில் இருந்தபோது திமுக நாடாளுமன்ற உறுப்பினர்களுக்கு அமைச்சர் பதவிகளை வழங்கியுள்ளது. ஆ. ராஜா, தயாநிதி மாறன் போன்றோர் அவர்களில் அடங்குவர்.