வட இந்தியாவில் நான்கு அல் காய்தா பயங்கரவாதிகள் கைது

புதுடெல்லி: அல் காய்தா பயங்கரவாத இயக்கத்தைச் சேர்ந்த நான்கு பேர் குஜராத் அதிகாரிகளால் கைது செய்யப்பட்டுள்ளனர்.

பயங்கரவாதிகள் டெல்லி, நொய்டா, அகமதாபாத், மொடாசா ஆகிய நகரங்களில் கைது செய்யப்பட்டனர்.

கைது செய்யப்பட்ட பயங்கரவாதிகள் முகம்மது ஃபைக், முகம்மது ஃபர்தீன், சைஃபுல் குரேஷி, ஜீஷன் அலி என்று அடையாளம் காணப்பட்டுள்ளனர். அவர்கள் அனைவரும் 20 முதல் 25 வயதுக்குட்பட்டவர்கள் என்று அதிகாரிகள் தெரிவித்தனர்.

பயங்கரவாதிகள் இந்தியாவின் முக்கிய நகரங்களில் பெரிய சதித்திட்டங்களை நடத்தத் திட்டமிட்டு வந்ததாகக் குஜராத் காவல்துறை தெரிவித்துள்ளது.

பயங்கரவாதிகள் சமூக ஊடகங்கள் மூலம் ஒருவருக்கொருவர் தொடர்பிலிருந்துள்ளனர்.

கைது செய்யப்பட்ட நால்வரிடமும் தீவிர விசாரணை நடைபெற்று வருவதாகக் காவல்துறை தெரிவித்துள்ளது.