பாகிஸ்தானுக்கு கடன் வழங்கும் ஐஎம்எஃப்: வாக்கெடுப்பைப் புறக்கணித்த இந்தியா

கோப்புப்படம்: ஊடகம்

10 May 2025 - 5:48 pm

2 mins read

புதுடெல்லி: போர்ச்சூழலுக்கு மத்தியில், பாகிஸ்தானுக்கு 1.3 பில்லியன் டாலர் கடன் வழங்க அனைத்துலக நாணய நிதியம் முடிவு செய்திருப்பதற்கு இந்தியா கடும் எதிர்ப்பு தெரிவித்துள்ளது.

இதுதொடர்பாக நடந்த வாக்கெடுப்பில் பங்கெடுக்காமல் இந்தியா புறக்கணித்துள்ளது.

தனக்குக் கிடைக்கும் நிதியை பாகிஸ்தான் பயங்கரவாதச் செயலுக்குப் பயன்படுத்துகிறது என்பதே இந்தியாவின் குற்றச்சாட்டாகும்.

இந்நிலையில், கடந்த நான்கு நாள்களுக்கு மேலாக இந்தியா, பாகிஸ்தானுக்கு இடையே பதற்றம் நிலவுகிறது.

பஹல்காம் தாக்குதலை அடுத்து, அனைத்துலக அரங்கில் பாகிஸ்தானைத் தனிமைப்படுத்தும் நடவடிக்கைகளை இந்தியா தீவிரப்படுத்தி உள்ளது.

அதன் ஓர் அங்கமாக, உலக வங்கி, அனைத்துலக நாணய நிதியத்திடம் இருந்து கடன் பெற பாகிஸ்தான் மேற்கொண்டு வரும் முயற்சிகளுக்கு இந்தியா முடிந்தவரை முட்டுக்கட்டை போட்டு வருகிறது.

இந்நிலையில், பாகிஸ்தானுக்கு கடன் தருவது தொடர்பாக முடிவெடுக்க அனைத்துலக நாணய நிதியம் (ஐஎம்எஃப்) கடந்த வெள்ளிக்கிழமை வாக்கெடுப்பு நடத்தியது.

அதற்கு முன்னதாக, அனைத்துலக அமைப்புகளிடம் இருந்து பெறும் நிதியை ஜெய்ஷ்-இ-முகம்மது, லஷ்கர்-இ-தொய்பா உள்ளிட்ட பயங்கரவாத அமைப்புகளுக்காக பாகிஸ்தான் செலவிடுவதாக இந்தியா குற்றம்சாட்டியது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

தந்தை நாதனுடன் எஃப் 1 பந்தயத்தைp பார்த்தது மறக்க முடியாத அனுபவம் என்றார் மகள் வேனியா.

குடும்பத்தினருடன் எஃப்1 கார்ப் பந்தயத்தைக் கண்டுகளித்த சிங்கப்பூரர்கள்

10 Oct 2026 - 8:53 PM

டென்மார்க்கில் அக்டோபர் 8ஆம் தேதி நடைபெற்ற நிகழ்வில் அனைத்துலக வழக்கறிஞர் சங்கத்தின் சிறந்த இளம் வழக்கறிஞருக்கான விருதைப் பெற்ற சிங்கப்பூர் வழக்கறிஞர் சார்மைன் யாப்.

சிங்கப்பூரின் இளம் வழக்கறிஞருக்கு அனைத்துலக விருது

10 Oct 2026 - 7:16 PM

இந்த நிலையை அடைய இளையராஜாதான் முக்கியக் காரணம்: ராமராஜன்

10 Oct 2026 - 3:58 PM

அதிகரித்துவரும் மனநலப் பாதிப்புகளைக் கையாள்வதற்கு ஏற்ற வகையில் புவாங்கோக்கில் தற்போதைய இடத்தில் உள்ள மனநலக் கழகத்தை அரசாங்கம் மறுமேம்பாடு செய்து விரிவுபடுத்தும்.

விரிவாக்கம், பெயர்மாற்றம் காணவுள்ள மனநலக் கழகம்

10 Oct 2026 - 5:46 PM

எனவே, ஐஎம்எஃப் அதன் முடிவை மறுபரிசீலனை செய்ய வேண்டும் என மத்திய வெளியுறவுச் செயலர் விக்ரம் மிஸ்‌ரி வலியுறுத்தி இருந்தார்.

இந்நிலையில், ஐஎம்எஃப் வாக்கெடுப்பை இந்தியா புறக்கணித்தது.

“அனைத்துலக நிதியத்திடம் இருந்து நீண்ட கால அடிப்படையில், கடன் வாங்கும் பாகிஸ்தான், அதன் திட்டங்களைக் கடைப்பிடிப்பதிலும் நிறைவேற்றுவதிலும் கவனம் செலுத்துவது இல்லை.

“பாகிஸ்தானின் பொருளியல் நடவடிக்கைகளில் ராணுவத்தின் ஆதிக்கமும் தலையீடும் உள்ளது. மக்களால் தேர்வு செய்யப்பட்ட அரசு இருந்தும் ராணுவம் ஆதிக்கம் செலுத்தி வருகிறது,” என இந்தியா மேலும் கூறியுள்ளது.

வாக்கெடுப்பு முடிந்துவிட்டாலும், இந்தியா முன்வைக்கும் கருத்துகள் கவனத்தில் கொள்ளப்படும் என ஐஎம்எஃப் தெரிவித்துள்ளது.

இச்செய்தியைப் பகிரவும்

குறிப்புச் சொற்கள்

இந்தியாபாகிஸ்தான்கடன்நிதி