மாணவர் முரசு
இ-பேப்பர்
புதுடெல்லி: இந்து புனிதத் தலங்களில் ஒன்றான உத்தராகண்ட் மாநிலத்தின் மலைப்பாங்கான பகுதியில் அமைந்துள்ள கேதார்நாத் கோயிலுக்குச் செல்ல கம்பிவட வண்டி (Ropeway) அமைக்கப்பட உள்ளது.
ரூ.4,081 கோடி (S$62.16 பில்லியன்) செலவில் அதானி குழுமம் அப்பணியை மேற்கொண்டுள்ளதாக அதானி குழுமத் தலைவர் கவுதம் அதானி புதன்கிழமை (அக்டோபர் 15) தனது எக்ஸ் வலைதளப் பக்கத்தில் பதிவிட்டுள்ளார்.
இதனைப் “பக்திக்கும் நவீன உள்கட்டமைப்புக்கும் இடையிலான பாலம்,” என்று அவர் வருணித்துள்ளார்.
சோன்பிரயாகில் இருந்து கேதார்நாத் வரை மொத்தம் 12.9 கிலோ மீட்டர் தூரத்துக்கு கம்பி வடம் அமைக்கப்படுகிறது.
ஆறு ஆண்டுகளில் நிறைவடையும் என எதிர்பார்க்கப்படும் இக்கம்பி வட வண்டியின் மூலம் கேதார்நாத் பயணம் 9 மணி நேரத்தில் இருந்து 36 நிமிடங்களாக குறையும்.
தேசிய ரோப்வேஸ் மேம்பாட்டுத் திட்டத்தின் கீழ், அதானி எண்டர்பிரைசசின் சாலைகள், மெட்ரோ, ரயில், நீர் (RMRW) பிரிவால் கட்டப்படும். அதானி எண்டர்பிரைசஸ் 29 ஆண்டுகளுக்கு இதனை நிர்வகிக்கும்.
இக்கம்பிவட வண்டி ஒரு திசையில் ஒரு மணி நேரத்திற்கு 1,800 பயணிகளை ஏற்றிச் செல்லும். ஆண்டுதோறும் கிட்டத்தட்ட 20 லட்சம் பேருக்குச் சேவை செய்யும்.
