பீகார் முதல்வர் பதவியிலிருந்து விலகினார் நிதீஷ் குமார்

பாட்னா: பீகார் முதல்வர் நிதீஷ் குமார் பதவியைக் கைவிட்டுள்ளார். ஆளுநர் முகமது கானிடம் தனது பதவி விலகல் கடிதத்தை அளித்தார்.

பீகார் சட்ட சபை தேர்தலில் 202 தொகுதிகளில் வெற்றி பெற்று மாபெரும் பலத்துடன் தேசிய ஜனநாயக கூட்டணி ஆட்சியைத் தக்க வைத்துள்ளது.

இந்தக் கூட்டணியில் அங்கம் வகித்த பாரதிய ஜனதா 89, ஐக்கிய ஜனதா தளம் 85 தொகுதிகளில் வெற்றி பெற்றன. இதையடுத்து பீகாரின் முதல்வராக மீண்டும் நிதீஷ் குமார் பதவியேற்க இருக்கிறார்.

பீகார் தலைநகர் பாட்னாவில் உள்ள காந்தி மைதானத்தில் வரும் 20ஆம் தேதி 10வது முறையாக முதல்வராக நிதீஷ் குமார் பதவியேற்க உள்ளார்.

இந்நிகழ்வில் பிரதமர் நரேந்திர மோடி, உள்துறை அமைச்சர் அமித் ஷா, யோகி ஆதித்யநாத் உள்ளிட்ட தலைவர்கள் கலந்துகொள்ள உள்ளனர்.

இந்நிலையில் பீகார் முதல்வர் பதவியை நிதீஷ் குமார் இன்று நவம்பர் 17ஆம் தேதி பதவி விலகினார். ஆளுநர் முகமது கானைச் சந்தித்து தனது பதவி விலகல் கடித்ததைக் கொடுத்து சட்டசபையைக் கலைக்க பரிந்துரைத்துள்ளார்.

அதன்படி, 19ஆம் தேதி சட்டசபை கலைக்கப்பட்டு, நவம்பர் 20ஆம் தேதி முதல்வராக பதவியேற்பார் என்று கூறப்படுகிறது.