ஊழல்வாதிகளை தேச விரோதிகளாக அறிவிக்க இந்திய நீதிபதி வலியுறுத்து

ஊழல் கறைபடிந்த அரசியல்வாதி களும் அரசாங்க அதிகாரிகளும் தேச விரோதிகளாக அறிவிக்கப் பட வேண்டும் என சென்னை உயர் நீதிமன்றம் வலியுறுத்தி இருக்கிறது.
நீதித் துறையிலும் லஞ்ச, ஊழல் புகுந்துவிட்டதை ஒத்துக் கொண்ட நீதிபதி எஸ்.எம்.சுப்பிர மணியம், நீதித்துறை ஊழலே அரசியலமைப்பின் ஆகப் பெரிய எதிரி என்று குறிப்பிட்டார். ஆத லால், ஊழலைக் கட்டுப்படுத்த நீதித்துறை கடுமையான நடவ டிக்கைகளை எடுக்கவேண்டும் என்று அவர் கருத்துரைத்தார்.
இந்தியாவில் உள்ள ஒவ்வொ ருவரும் ஏதோ ஒரு வகையில் லஞ்ச, ஊழலை எதிர்கொள்வ தாகக் குறிப்பிட்ட நீதிபதி, ஒருவர் தாயின் கருவறைக்குள் இருக்கும்போதே தொடங்கும் அந்தச் சமூகச் சீர்கேடுகள் அவர் இறப்பது வரையிலும் விடா மல் தொடர்கின்றன என்று கூறி வேதனைப்பட்டார்.
"அவர்கள், இந்தச் சிறந்த தேசத்தின் வளர்ச்சியைத் தடுக் கும் தேச விரோதிகள். பயங்கர வாதிகள் சமூக விரோதிகளாகச் சித்திரிக்கப்படுகின்றனர். அது போல, நாட்டின் வளர்ச்சிக்கு எதிரான ஊழல்வாதிகளும் தேச விரோதிகளாக அறிவிக்கப்பட வேண்டும். அவர்கள் சொந்த நலனை மட்டுமே முக்கியமாகக் கருதுகின்றனர்," என்றார் திரு சுப்பிரமணியம்.
கல்வி நிலையங்களிலும் அரசாங்க அலுவலகங்களிலும் லஞ்சமாக பாலியல் சேவைகளை எதிர்பார்க்கின்றனர் என்றும் பொது நிர்வாகத்தில் இதைவிட மோசமான விஷயம் வேறெதுவும் இருக்க முடியாது என்றும் அவர் தெரிவித்தார்.
தேர்தல் நேரங்களில் லஞ்ச, ஊழல் தலைவிரித்தாடுவதைக் குறிப்பிட்ட அவர், "சட்டங்களை இயற்றி, நிறைவேற்ற வேண்டியது மக்கள் பிரதிநிதிகளின் கடமை, பொறுப்பு. அப்படி இருக்கும்போது, அவர்களே வாக்குக்கு லஞ்சம் தருவது, ஜனநாயகத்தின் வேரை அசைத்துப் பார்ப்பதாக உள்ளது," என்றார்.