72வது சுதந்திர தினம்; முக்கிய நகரங்களில் போலிஸ் குவிப்பு

புதுடெல்லி: இந்தியா இன்று 72வது சுதந்திர தினத்தைக் கொண்டாடும் நிலையில் நாடு முழுவதும் உச்சகட்ட விழிப்பு நிலையில் வைக்கப்பட்டுள்ளது. முக்கிய நகரங்களில் பாதுகாப்பு ஏற்பாடுகள் தீவிரப்படுத்தப்பட்டு உள்ளன. 

டெல்லி செங்கோட்டையில் பிரதமர் நரேந்திர மோடி தேசியக் கொடியை ஏற்றி வைத்து, நாட்டு மக்களுக்கு உரையாற்றுகிறார். இதையொட்டி அங்கு பாதுகாப்பு பலப்படுத்தப்பட்டுள்ளது. 

செங்கோட்டையைச் சுற்றிலும் அதிக திறன் வாய்ந்த 500 சிசிடிவி கேமராக்களும் பொருத்தப்பட்டுள்ளன. 

இது தவிர, குடியரசுத் தலைவர் மாளிகை, பிரதமர் இல்லம் உள்ளிட்ட பகுதிகளிலும் பாதுகாப்பு பலப்படுத்தப்பட்டுள்ளது. 

அண்மையில் காஷ்மீர் மாநில சிறப்பு அந்தஸ்து நீக்கப்பட்டதன் எதிரொலியாக, சுதந்திர தினத்தன்று, தீவிரவாதிகளால் அசம்பாவிதங்கள் ஏற்படக்கூடும் என அனைத்து மாநிலங்களுக்கும் மத்திய அரசு எச்சரிக்கைத் தகவல் ஒன்றை அனுப்பியது. 

இதையடுத்து, காஷ்மீர் மாநில எல்லையில் கண்காணிப்பு தீவிரப்படுத்தப்பட்டது. 

புதுடெல்லி, ஜம்மு காஷ்மீர் உள்ளிட்ட முக்கிய நகரங்களில், துப்பாக்கி ஏந்திய துணை ராணுவப்படையினர் கடந்த சில நாட்களாக வாகன சோதனையில் ஈடுபட்டனர்.

மும்பை, சென்னை போன்ற முக்கிய நகரங்களிலும் பாதுகாப்பு அதிகரிக்கப்பட்டது. 

தமிழகத்தில் மட்டும் ஒரு லட்சம் போலிசார் பாதுகாப்பு பணியில் ஈடுபடுத்தப்பட்டனர். 

குறிப்பாக, தலைநகர் சென்னையில் 15,000 போலிசார் பாதுகாப்புப் பணியில் ஈடுபடுத்தப்பட்டுள்ளனர். முதல்வர் கொடியேற்றும் ஜார்ஜ் கோட்டையில் ஐந்து அடுக்கு பாதுகாப்பு போடப்பட்டுள்ளது. 

சென்னை சென்டிரல் ரயில் நிலையம், எழும்பூர் ரயில் நிலையம் உள்ளிட்ட தமிழகத்தின் முக்கிய ரயில் நிலையங்களில் பாதுகாப்பு தீவிரப்படுத்தப்பட்டது.

பயணிகளும் அவர்களது உடைமைகளும் ‘மெட்டல் டிடெக்டர்’ கருவி மூலம் சோதனை செய்த பிறகே ரயிலில் அனுமதிக்கப்பட்டதாகக் கூறப்பட்டது. 

விமான நிலையங்களில் மோப்ப நாய்கள் மூலம், மத்திய தொழில் பாதுகாப்புப் படையினர் தீவிர கண்காணிப்பில் ஈடுபட்டனர். கோவில்கள், வணிக வளாகங்கள், பொழுதுபோக்கு தலங்களிலும் பாதுகாப்பு அதிகரிக்கப்பட்டுள்ளது. 
 

இப்பகுதியில் மேலும் செய்திகள்

இந்தியாவின் அசாம் மாநிலம், கௌஹாத்தி நகரில் நேற்று நடைபெற்ற போராட்டத்தில் கலந்துகொண்டு மத்திய அரசுக்கு எதிராக முழக்கமிடும் ஆர்ப்பாட்டக்காரர்கள். படம்: ஏஎஃப்பி

14 Dec 2019

குடியுரிமை சட்டத் திருத்தப் போராட்டம் : மூவர் உயிரிழப்பு

இரு தலை உடைய நாகம் புராண நம்பிக்கையுடன் தொடர்புடையது என கூறிய பொதுமக்கள் பாம்பை அதிகாரிகளிடம் ஒப்படைக்க மறுத்துவிட்டனர். படம்: இந்திய ஊடகம்

13 Dec 2019

புராண நம்பிக்கை: இருதலை பாம்பை தர மறுத்த கிராம மக்கள்

சீராய்வு மனு தள்ளுபடி செய்யப்பட்டால் அடுத்த ஒருசில நாட்களில் நான்கு குற்றவாளிகளுக்கும் தூக்குத் தண்டனை நிறைவேற்றப்படும் என்று தகவல்கள் தெரிவிக்கின்றன. படம்: இந்திய ஊடகம்

13 Dec 2019

‘ஹேங்மேன்’, கயிறு தயார்; நால்வரையும் ஒரே நேரத்தில் தூக்கிலிட ஏற்பாடுகள் தீவிரம்