ஒரே மீனால் லட்சாதிபதியான மீனவர்

புவனேஸ்வர்: ஒடிசா மாநிலம், கேந்திரபாரா மாவட்டத்தைச் சேர்ந்த மீனவர் ஒருவர் அரிய வகை மீன் மூலம் ஒரே நாளில் லட்சாதிபதியானார். உள்ளூர்வாசிகளால் 'மயூரா மச்சா' என அழைக்கப்படும் பெரிய துடுப்புகளைக் கொண்டது 'பாய்மர மீன்'. அரிய வகையைச் சேர்ந்த இந்த மீன் சில நாட்களுக்குமுன் மதன தேப்நாத் என்ற மீனவரின் வலையில் சிக்கியது. கிட்டத்தட்ட 20 கிலோ எடை கொண்ட இந்த மீனை இரண்டு லட்ச ரூபாய் கொடுத்து, தொழிலதிபர் ஒருவர் வாங்கிச் சென்றதாகக் கூறப்பட்டது. இந்தப் பாய்மர மீன் மணிக்கு 135 கிலோமீட்டர் நீந்தும் திறன் யபடைத்தது என்பது குறிப்பிடத்தக்கது.