சுவிஸ் வங்கியில் ரூ.320 கோடி; கேட்க ஆளில்லை

புதுடெல்லி: சுவிஸ் வங்கியில் செயல்படாத கணக்குகளில் 320 கோடி ரூபாய் உள்ளது. இதில் பெரும்பகுதி பணம் இந்தியர்களுக்கு சொந்தமானதாக இருக்கலாம் என்று கூறப்படுகிறது. இந்தப் பணத்துக்கு சொந்தமானவர்கள் அல்லது அவர்களுடைய வாரிசுகள் உரிமை கோர முடியும். ஆனால் கடந்த ஆறு ஆண்டுகளில் இந்தியர்கள் யாரும் பணத்துக்கு உரிமை கோரி முன்வரவில்லை. 

சுவிஸ் வங்கி துறை தீர்ப்பாயத்தில் உள்ள தகவல்களின்படி கோல்கத்தாவைச் சேர்ந்த 2 பேர், டேராடூனைச் சேர்ந்த ஒருவர், மும்பையை சேர்ந்த 2 பேர், பிரான்ஸ், இங்கிலாந்தில் குடியேறிய இந்தியர்கள் உள்ளிட்டவர்களின் வங்கிக் கணக்குகள்செயல்படாமல் இருப்பதாகத் தெரிவிக்கப்பட்டுள்ளது.  இதில் பணத்தை உரிமை கோர 2 இந்தியர்களுக்கு விதிக்கப்பட்ட கெடு வருகிற 15ஆம் தேதியும் மூன்று பேருக்கான கெடு அடுத்த மாதமும்  முடிவடைகிறது.  எஞ்சிய இந்தியர்கள் அடுத்த வருடம் டிசம்பர் வரை பணத்தை மீட்க வாய்ப்பு உள்ளது.

பணத்தை மீட்க விரும்புபவர்கள் குறிப்பிட்ட காலத்துக்குள் அதற்குரிய ஆவணங்களை சுவிஸ் வங்கியில் தாக்கல் செய்ய வேண்டும். அதன் அடிப்படையிலேயே வங்கி வாடிக்கையாளர்கள் பணத்தை மீட்க வாய்ப்புள்ளது என்று  சுவிஸ் வங்கித்துறை தீர்ப்பாயம் தெரிவித்துள்ளது. ஆனால் இந்தப் பணத்துக்கு உரிமை கோரினால் கருப்புப் பண விவகாரத்தில் சிக்க வேண்டியிருக்கும் என்பதால் இந்தியர்கள் யாரும் உரிமை கோர முன்வரவில்லை என்று கூறப்படுகிறது. அப்படி யாரும் பணத்துக்கு உரிமை கோர முன்வரவில்லை என்றால் உரிமை கோரப்படாத     ரூ. 320 கோடி ரூபாயை சுவிட்சர்லாந்தே எடுத்துக்கொள்ளும் நிலை உள்ளது.

இப்பகுதியில் மேலும் செய்திகள்

திரு சுபாஷ் சீனிவாசன் தேவிபட்டினத்தில் பணியாற்றியபோது, அனாதை பிணங்களை அடக்கம் செய்வது, மனநலம் பாதிக்கப்பட்டவர்களுக்கு உதவுவது போன்ற சமூக சேவைகளிலும் ஈடுபட்டுள்ளார். படம்: ஊடகம்

07 Dec 2019

நிர்பயா வழக்கின் குற்றவாளிகளைத் தூக்கிலிடும் பணிக்கு ராமநாதபுரம் போலிஸ் அதிகாரி விண்ணப்பம்

மக்களவையில் பேசிய மகளிர் மற்றும் குழந்தைகள் வளர்ச்சித் துறை அமைச்சர் ஸ்மிருதி இரானி, 2014ஆம் ஆண்டிலிருந்து இது வரையில் 3.18  லட்சம் குழந்தைகளைக் காணவில்லை என்று தெரிவித்தார். படம்: ஊடகம்

07 Dec 2019

இந்தியாவில் 3.18 லட்சம் குழந்தைகள் மாயம்